Аҭагылазаашьа ҷыдақәа рзы аминистрра жәеиза шықәса ахыҵра инамаданы, Очамчыра имҩаҧган акоманда- штабтә ҽазыҟаҵарақәа.

07.07.2017
594

Аҭагылазаашьа ҷыдақәа рзы аминистрра жәеиза шықәса ахыҵра инамаданы, Очамчыра имҩаҧган акоманда- штабтә ҽазыҟаҵарақәа. Дара ашәҭқәа шьҭарҵеит иҭахаз аибашьцәа рыхьаӡала ақалақь аҟны зыргылара иаҿу абаҟа амҵан. 

Аҭагылазаашьа ҷыдақәа рзы аминистрра акоманда-штабтә ҽазыҟаҵарақәа Очамчыра имҩаҧыргоижьҭеи сынтәа ҧшьы- шықәсоуп. Уажәтәи иалахәын ареспублика араионқәа зегь рҟынтәи аминистрра аҟәшақәа рхаҭарнакцәа. Иааидкыланы шәи ҩынҩажәи зеижә- ҩык аиқәырхаҩцәеи, ҩажәи ааба инарыцны иҷыдоу атехникеи.

Аҽазыҟаҵарақәа рлегенда ишаҳәоз ала, аҭагылазаашьа ҷыдақәа рзы аминистрра аусзуҩцәа рыҧсы еиқәдырхар акәын амца зкыз аҩнеихагыла изыҩнымҵкәа иҩнахаз ауаа. Анаҩс аҽазыҟаҵарақәа ирыхәаҧшуаз идырбан ашьха ҭыҧ аҿы арыцҳара иақәшәаз альпинист дшеиқәдырхоз. Уи иалахәын акинологцәагьы. Ашьхарахь ишьҭыҧрааит авертолиот. Уаҟа иара атәара ахьацәыуадаҩыз иахҟьаны, аиқәырхаҩцәеи аҧшааҩцәеи шахала авертолиот аҟынтәи илбааит. Иахьатәи аҽазыҟаҵарақәа рҿы рхы бзианы иаадырҧшит абылра ҽацәыхьчаратә- еиқәырхаратә ҟәша, амшын аҿы арыцҳара иақәшәаз еиқәзырхо, ацхыраара ласы ауааҧсыра ирызҭо, арҭҟәацгақәа еиҵызхуа уҳәа аҟәшақәа рхаҭарнакцәа.

Аҽазыҟаҵарақәа рымҩаҧысшьа иахәаҧшуаз Аҧыза- министр ихаҭыҧуаҩ, аҩныҵҟатәи аусқәа рминистр Аслан Кобахьиа иазгәеиҭеит, дара қәҿиарала ишымҩаҧысыз. Аҭагылазаашьа ҷыдақәа рзы аминистр Лев Кәыҵниа иҳәеит, зегь раҧхьаӡа иргылан аҽазыҟаҵарақәа хықәкыс ишрымоу русура аиҿкаара аҟны ирыгу- ирыбзоу ашьақәргылара. Акоманда- штабтә ҽазыҟаҵарақәа рыхә ҳаракны ишьеит Приднестровие- Молдавиатәи ареспублика аҩныҵҟатәи аусқәа рминистр. Аҽазыҟаҵарақәа хырқәкшан атехника ҷыда апарад ала. Анаҩс аминистрра аусзуҩцәа рзы Радион Ҵәыџьба ихьӡ зху Очамчыратәи акультуратә хан аҟны еиҿкаан аныҳәатә концерт.

 А. Корсаиа, А. Маланиа , АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Ииуль 2018
76
Аҭыжьымҭаҿы:Усутә визитла Аҧсны даҭааит Нхыҵ- Кавказ аусқәа рзы Урыстәылатәи аминистр .
17 Ииуль 2018
80
Аҵараиуҭа иалгаз адипломқәа рнапаҿы ирырҭеит.
17 Ииуль 2018
92
Аҧсны аҵареи аҭҵаарадырреи рминистрра ақәҵарала , ашколқәа зегьы рҿы актәи акласс инаркны ажәеизатәи аҟынӡа иакыу ашколтә шәҵатәы ныҟәыргозароуп аҵаҩцәа.
17 Ииуль 2018
61
Аиҧылараҿ ирылацәажәон ҩ- ҳәынҭқаррак рыбжьара асоциал- економикатә ҿиара азҵаарақәа.
16 Ииуль 2018
99
16 Ииуль 2018
76
Ақалақь ахадара ари ашьха аибашьра ҟалаанӡа иамаз ахаҿра азырхынҳәразы аусурақәа мҩаҧыргоит.
Загрузка плеера
Алаҳәарақәеи адныҳәаларақәеи
АГТРК