Пиотр Казанба ихыҵит 80 шықәса.

10.07.2017
363

Аҧсны зҽаҧсазтәыз анџьныр, «Ахьӡ -аҧша» аорден ахҧатәи аҩаӡара занашьоу, акыр аамҭа Агеологиеи, агеодезиеи, акартографиеи рзы аусбарҭа аиҳабыс иҟаз, хынҩажәа шықәса инарзынаҧшуа ахсаала аҭыхра знапы алакыу, Пиотр Шьықәыр - иҧа Казанба 80 шықәса ихыҵит.

Аиубилиар иҧсҭазаараҿы акырӡа ихадоу амш азгьы иусуратә ҭыҧ аҿы дыҟан. Есышьыжь Пиотр Шьықәыр иҧа Казанба иусура алагоит ахсаала аҭыхырҭа ауадала. Араҟа аус зуа иара илаҧш рхуп . Аиубилиар иаҳирбоит аус здырулахьоу хсаалак. Хынҩажәа шықәса ҵуеит Пиотр Шьықәыр иҧа ахсаалақәа рҭыхра инапы алакуижьҭеи, иара иҳәоит, арҭ ашықәсқәа ирылагӡаны знык иадамзаргьы иалыихыз изаанаҭ дшахьымхәыц. Еиуеиҧшымыз ауадаҩрақәа шиҧылозгьы, урҭ риааира илиршон. Аа-класк даналага Қарҭ атехникум дҭалоит, уи ашьҭахь еиуеиҧшым атәылақәа рҿы изанааҭ ала аус иуан Ҟазахстан, Манголиа . Ҧшьышықәса Мангалоиа аус уны Аҧсныҟа данааи аусурҭа имоуит, аҧынгылақәа рацәахеит. Акыр ауадаҩрақәа ихганы Петр Шьықәыр иҧа аусура далагоит иҧсадгьыл аҿы. Хынҩажәа шықәса ирылагӡаны инапы иҵигахьо ахсаалақәа рацәоуп. Иара иҳәоит, Адгьыл амалқәеи ахсаала ҭыхреи рҳәынқарратә усбарҭаҿы аусура иара изы акыр шаҵанакуаз. Игәы иаланы иҳәоит, ахсаала аҭыхра зҽадзыҧхьало аҿар рхыҧхьаӡара шмаҷу. Ари аус бзиа иубароуп, мап анакəха, унапахьы иузаагоам,- иҳәоит Пиотр Шьықәр -иҧа. 

Аҧсны Аџьынџьтәылатә еибашьара ашьҭахь, Пиотр Казанба инапы ианҵан Адгьыл амалқәеи, ахсаала ҭыхреи рҳәынқарратә усбарҭа аҧҵара. Усҟантәи амҭазы Пиотр Казанба илиршеит ззанааҭ иазҟазаз ауаа реидкылара . Аиубилиар иҳәоит, иара аусура даналагоз ахсаала аҭыхразы акыр аџьабаа шырбоз, уи адагьы зегьы шымаӡаз-, иахьатәи аамҭазы ахсаала аҭыхра акырӡа имариоуп, уа азы агәахәара умазар,- иҳәоит Петр Шьықәр-иҧа. Пиотр Казанба аус ицызуа изыгәдууп , дара ирҳәоит уи ихшыҩ еснагь ишымҩақәҵагоу, иажәа акыр шаҵанакуа. Ҧшьынҩажәа шықәса шихыҵуагьы, иусуараҿы тәамҩахә имаӡам рҳәоит дара .

Аиубилиар иҳәоит , иҧсҭазаара зегьы изанааҭ ишадҳәалоу, хынҩажәа шықәса инеиҧынкыланы уи амаҵ шазиуаз, илшонаҵы иус дшацәхьамҵуа.

 Фатима Гьергьиаҧҳа, Беслан Џьынџьал,АТ .

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
12 Ииуль 2018
76
Аҭыжьымҭаҿы:Цәыббра 30, Аиааира Ахьыҧшымреи ирымшхеит. Жәлар Реизара адепутатцәа реилатәара аҿынтә анҵамҭа
12 Ииуль 2018
111
Ҧхынгәы мза ҧшьба рзы излагаз адкылара хыркәшахоит ҳазҭоу амза жәиҧшь рзы.
12 Ииуль 2018
83
Уи инамаданы, Аҧсны иҟоу Урыстәыла ацҳаражәҳәарҭа иалнакаауеит шықәсы рацәала еицынхо аҧсуа ҭаацәарақәа.
12 Ииуль 2018
78
Анаҩс , урҭ аусурақәа рымҩаҧгаразы атәыла анапхгарагьы ацхыраара рырҭеит.
12 Ииуль 2018
88
Адепутатцәа еицҿакны ахақәиҭреи ахьыҧшымреи рзы азакуан апроект адгылара арҭеит.
11 Ииуль 2018
34
Анҵамҭаҿы:Имҩаҧысит Аҧсныи Урыстәылеи жәларбжьаратәи атранспорт еиҭанеиааиразы акомиссиа алахәылацәа реилатәара.
11 Ииуль 2018
48
Ари аиубилеитә рыцхә уи аусзуҩцәа ишазгәарҭо анҵамҭаҿы.
Загрузка плеера
Алаҳәарақәеи адныҳәаларақәеи
АГТРК