Аӡымҩангагақəа рыҧсахра.

10.07.2017
231

Аҟәа ақалақь Имам Шамиль ихьӡ зху амҩаду инаркны Џьонуа имҩаду аҟынӡа аӡымҩангагақәа рыҧсахразы аусурақәа цоит. 

Абар 40 шықәса инарзынаҧшуеит арҭ амҩадуқәа рҿы аӡымҩангагақәа рымҧсахижьҭеи . Аӡымҩангагақәа ахьажәыз иахҟьаны , аӡы рызнымкылакәа амҩаду ианылон. Араҟа инхо ауааҧсыра акырынтә рҽазыршәахьан ари апроблема аӡбара рхатәы мчқәа рыла, аӡы ахьацәцоз аҭыҧқәа рҿы аӡҭачгьы ржхьан . Аҟәа ақалақь ахадара ари аҭагылазаашьа арҽеиразы иазоунажьит 4 миллион мааҭ аҧара .Ихахьоу аиха иалхыз аӡымҩангага рыҧсахуеит Гәдоуҭа иҭрыжьуа аполипропелен ала . Акоммуналтә усбарҭа аиҳабы Дмитри Аҳәба иажәақәа рыла , аӡымҩангага злаҧсаххо аматериал иаҳа анҵыра амоуп , аӡы агьамагьы еиҕьнатәуеит , жәларбжьаратәи астандартқәа ирықәшәо аҟынӡа.

АҞәа ақалақь « Аӡыканала» аиҳабы Ҭенгиз Кәыҵниа излеиҳәаз ала, хә-ҭаацәарак рҟынӡа еицырзеиҧшу аҵеиџь хәыҷқәа рзыржуеит , ирзықәдыргылоит аӡыаркыгақәа , анаҩсан дасу рӡынашьҭыгатә цәаҳәақәа рхатә харџь ала иахьырҭахыу аҭыҧ аҟынӡа инаргартә еиҧш ирзеиқәдыршәоит .

Уи дазааҭгылеит , ақалақь ауааҧсыра зегьы аӡы ахә ахьахырымшәаауа иахҟьаны , аӡыканал алшара шмаҷу. Имам Шамиль ихьӡ зху амҩаду инаркны Џьонуа имҩаду аҟынӡа иҧсаххоит 350 метр аӡымҩангага . Ҭенгьиз Кәыҵниа ҳақәиргəҕит , август алагамҭазынӡа аӡыканал аспециалистцәа зҿу аусмҩаҧгатәқәа хыркәшахоит ҳәа .

 Дениза Гьергьиаҧҳа , Саид Агәхаа , АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
75
17 Ианвар 2018
77
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
71
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
67
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
57
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
82
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
106
Загрузка плеера
Алаҳәарақәеи адныҳәаларақәеи
АГТРК