Аҧснытәи аҳәынҭқарратә университет аҭаларазы ашәҟәқәа рыдкылара иаҿуп.

10.07.2017
177

Аҧснытәи аҳәынҭқарратә  университет  аҭаларазы   ашәҟәқәа рыдкылара   иаҿуп.  Ииуль  ҧшьба инаркны жәиҧшьнӡа   ашәҟәқәа рыдыркылоит.  Анаҩс амза жәаа рзы аҧышәарақәа ирылагоит.   Иарбан  занааҭу  ари ашықәс  азы  аҿар   еиҳа иалыркаауа? Насгьы    иҟоузеи ҧсахрақәас    аҵараиурҭаҿы?

Аҭыхрақәа мҩаҧаҳгонаҵы, еиуеиҧшым афакультетқәа рахь арзаҳалқәа алазҵоз аҿар рацәан. Урҭ зегь дара иалырхыз азаанаҭқәа атәы аазырҧшуа аҟәша  иадгыланы  раамҭа иазыҧшын. Џьоукы - џьоукы ирҳәон, арзаҳал ахарҭәараан  агхақәа шырцәыҟалоз, анаҩс уи еиҭа ҿыцла ишхадырҭәаауаз. Уажәнатә згәы хыҭ-хыҭуа рахь дреиуоуп Милана Асланӡиаҧҳа. Лара афилологиатә факультет иаҵанакуа апедогогикатә ҟәшахьы арзаҳалқәа алалҵеит минуҭқәак раҧхьа. Милана иаҳзеиҭалҳәеит, иалылхыз азаанаҭ азы  абзиабара шлызцәырҵыз.

Адкыларатә комиссиа  аҭакзыҧхықәу амаӡаныҟәгаҩ Ева Озган лажәақәа рыла, ҳазҭоу ашықәсазы  ауниверситет  аҳәынҭқарра иазоунажьит 346 ҭыҧ. Еиҳарак урҭ ақыҭанхамҩеи арҵаҩреи рхырхарҭала ауп. Арзаҳалқәа рыҩреи адокументқәа рыдкылареи мҩаҧысуеит ашьыжь асааҭ жәба  инаркны ҧшьбанӡа. Убри аан,  аҧсшьара ҟамҵакәа. Абитуриент ицзароуп ашкол дшалгаз атәы зҳәо атесттат, Аҧсны атәылауаҩ ишәҟәы ахҩылаа, афотосахьа маҷқәа  фба. Адкылара  раҧхьатәи  амш инаркны  иахьанӡа    ашәҟәқәа  алазҵазхьоу   рхыҧхьаӡара  шәи ҧшьынҩажәа - ҩык ыҟоуп.

Аҧснытәи аҳәынҭқарратә университет аҿы ҩажәи ааба хырхарҭала адокументқәа рыдкылара мҩаҧысуеит. Абитурентцәа доусы иара игәы иақәшәаша азаанаҭ алхразы алшарақәа зегьы ирзаҧҵоуп. Есышықәса еиҧш,  сынтәагьы,  иаҳа иалырхуа азаанаҭқәа ҳәа иҧхьаӡоуп  аекономикатәи, азиндырратәи факультетқәа. Аха уи иаанагом егьырҭ рахь азҿлымҳара аадырҧшӡом ҳәа. Сынтәа ауниверситет иаҵанакуа афакульетқәа руак аҿы аҿыцрақәа алагалоуп. Раҧхьаӡа акәны афилологиатә факультет аҟәшаҿы иаартхоит аиҭагара атеориеи акультурабжьаратә коммуникациеи рхырхарҭала аҟәша ҿыц

Аҟәша  аҧсуеи аурыси секторқәа  ҳәа еиҟәшахоит. Аҵара ддырҵалоит аиҭагараҿы аҧышәа змоу арҵаҩцәа. Аҟәша ҿыц ахырхарҭала иалго астудент дхәарҭахәоит  аҳәынҭқарратә бызшәазы ихьысҳау  аусбарҭақәеи, ашколқәеи рзы. Ари азаанаҭ азы арзаҳалқәа алазҵаз иахьазы ҧыҭҩык ыҟоуп. Афакультет аиҳабы иажәақәа рыла, урҭ макьаназы цқьа еилырганы ирымам аиҭагара азы   аҟәша ашьақәгылашьа,  аха аҳәынҭқаррра аргылараҿы ари азаанаҭ шыцхыраагӡа духо агәра ҳиргоит.

Наала Чхьынџьериаҧҳа, Михаил Братухин,  АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ноиабр 2017
105
Аҭыжьымҭаҿы:Иҵит ҩажәи хәба шықәса Аҧсны аҳәынҭқарратә шәарҭадаратә маҵзура аҳәаахьчаҩцәа ргәыҧ аҧҵоижьҭеи.
20 Ноиабр 2017
185
1992 шықәса, ноиабр 20 рзы Атәылахьчара аминистрра аҟны еиҿкаан аҳәаахьчаҩцәа ргәыҧ.
17 Ноиабр 2017
126
Аҭыжьымҭаҿы:Зыргылара иаҿу аобиектқәа ргәаҭаразы. Усутә визитла Аҧсны даҭааит Лев Кузнецов.

17 Ноиабр 2017
119
Гиви Аиба ҩынҩажәа шықәса инарзынаҧшуа Аҟәатәи аботаниктә баҳча напхгара аиҭон.
17 Ноиабр 2017
125
Уи хықәкыс иамоуп Аҧсни Нхыҵ –Кавкази еидызкыло азеиҧш культуратә аинформациатә , агуманитартә қәыҧшылара арҕәҕәара амеханизмқәа аус рыдулара .
17 Ноиабр 2017
145
Уи хациркит Басараиа имҩаду аҿы иҟоу аҩнеихагылақәа фба рҿы иқәдыргылаз алифтқәа русушьа агәаҭара ала.
Загрузка плеера
Алаҳәарақәеи адныҳәаларақәеи
АГТРК