Ҧхынгәы мза фба рзы Пицунда ақалақь аҿы аҳаирплан маҷ каҳаит.

11.07.2017
655

Ҧхынгәы мза фба рзы Пицунда ақалақь аҿы аҳаирплан  маҷ акаҳара зыхҟьаз аилкааразы иаҧҵоуп акомиссиа.  
Ахатә ҳаирплан акаҳара зыхҟьаз  аилкааразы  иаҧырҵеит акомиссиа.

Урҭ русура ахьынӡанеихьоу еилаҳкаарц ҳҭыхратә гәыҧ адҵаалеит Аҧсны атранспорт азы аҳәынҭқарратә усбарҭахь. Уи аиҳабы Робестан Габлиа иажәақәа рыла, алкаақәа рыҟаҵара заацәоуп. Макьаназы аҭҵааратә усурақәа мҩаҧыргоит. Амашәыр аныҟала нахыс  ҩажәи жәаба мшы ирылагӡаны алкаақәа рыҟаҵара иахьӡароуп ,ҳәа азгәеиҭоит иара. Убысҟан ауп иашоу аинформациа ауааҧсыра ирылаҳҳәартә еиҧш аҭагылазаашьа анҳауа иҳәеит иара.

Пицунда ақалақь аҿы иҟалаз амашәыр зыхҟьаз аилкааразы иаҧҵоу акомиссиа иалахәуп аҳаиртә  баҕәазеи, аҭагылазаашьа ҷыдақәа рзы аминстрреи рхаҭарнакцәа. Акомиссиа напхгара аиҭоит атранспорт азы аҳәынҭқарратә усбарҭа аиҳабы Робестан Габлиа. Иара иазгәеиҭеит, аҳаирплан арныҟәцаҩ, уажәазы аҩны дшыҟоу,  иара иҧсҭазаара амашәыр ишҭагылам. Амашәыр зыхьыз ани аҧеи ракәзар,  Гагратәи ахәышәҭәырҭа  аҟынтәи Шәачаҟа ииагоуп. Робестан Габлиа иазгәеиҭеит, аҳаирплан  аҧырразы асертификат шамаз.
Иаҧҵоу акомиссиа аиҳабы идҵала, агәаҭаратә усурақәа мҩаҧыргонаҵы аҧыррақәа зегьы аанкылоуп. Аҧсны ас еиҧш амашәыр ҟамлаӡацызт, ҳәа азгәеиҭоит акомиссиа аиҳабы.  Икаҳаз аҳаирплан  маҷ Аҧсны аҩныҵҟа иҧыруеижьҭеи быжьшықәса ҵуан. Ас еиҧш ҟалоит ҳәа аӡәгьы дыҟамызт, -  ҳәа азгәаиҭеит иара.  Зус здыруа акомиссиа алахәылацәа иаарласны алкаақәа ҟарҵап, - ҳәа ҳақәиргәыҕит акомиссиа аиҳабы.

Наала Чхьынџьериаҧҳа, Саид Агәхаа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
25
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
31
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
42
Аҭыжьымҭаҿы:Ианҭаха ашьҭахь 143 медаль «Аиааиразы». Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
47
Ари ацәыргакәҵа еизнагеит жәлар рҟазара знапы алаку аҧышәа змоу рыдагьы, иахьа уажәраанӡа зхы ӡырзымгац, аха зус бзиабарала иазнеиуа аҿар.
Алаҳәарақәеи адныҳәаларақәеи
АГТРК