Аҧсуа драматә театр аҿы ихырқәшоуп 86 асезон.

11.07.2017
443

Самсон Ҷанба ихьӡ зху аҧсуа драматә театр аҿы ихырқәшоуп   ҧшьынҩажәи фбатәи  асезон. Уи иалагӡаны имҩаҧгаз агострольқәеи, арҿиаратә  хәылҧазқәеи, иара убас аҧхьаҟатәи атеатр агәҭакқәеи ирзааҭгылан   аинформациатә маҵзура «Спутник» аҟны имҩаҧгаз  аихшьаалатә   пресс-конференциаҿы.

Ари амчыбжь азы ихыркәшахоит Самсон Ҷанба ихьӡ зху аҧсуа драматә театр аҿы  86 асезон. Уи  иалагӡан аҭыҧантәи  аҳәаанырцәтәи ахәаҧшцәа идырбан,  апремиерақәа ҧшьба. Урҭ  рахьтә   Рушьбеи Смыр ипоема  «Симра», ала иқәыргылаз атеатралтә композициеи, Самсон Ҷанба идрама  амотивқәа рыла аспектакль «Амҳаџьырцәеи» раҧхьаӡа  акәны Ҭырқәтәыла  иқәыргылан.

86 асезон   аихшьаалақәа ҟаҵо, атеатр аусзуҩцәа иазгәарҭеит, уи   кәҿиарала имҩаҧысит ҳәа. Убри аан  иҳәан,  егьырҭ ашықәсқәа ирҿырҧшны,  атеатр аҟазара иазҿлымҳау  аҭааҩцәа рхыҧхьаӡара шеиҳахаз.
Аҧсуа драматә  театр аҿы инагӡаз    аспектакльқәа рхыҧхьаӡараҿы иҟан имаҷымкәа агәыҳалалратәқәагьы … Атеатр аиҳабы   Адгәыр  Џьниа иажәақәа рыла, дара  хықәкы хадас ирымоуп, ахәаҧшцәа хәыҷқәа шыхәыҷу амилатҭә культура иахыҵхырҭоу   атеатр  агәыбылра дыркра.

Атеатр    аколлектив   аҟыбаҩ  змоу актиорцәа рыла ишьақәгылоуп,  аринахысгьы дара рхыҧхьаӡара  аизырҳара хазыхиоуп. Актиор изанааҭ ала  аҵара зҵоу аҿар радыҧхьаларала, -  ҳәа азгәаҭан апресс-конференциаҿы.

Асезон ҿыц азы аҧсуа драматә театр аусзуҩцәа  рыгәҭакқәа рацәоуп,   ирымоу ақәҿиарқәа ирыцҵо,  уажәнатә иазгәаҭан ирымоуп  ахәаҧшцәа  4-5  премьера рызнагара.

87 асезон аартранӡа иазҧхьагәаҭоуп, иара убас  атеатр  иадҳәалоу аинформациа  х-бызшәак  рыла  иахькьыҧхьлахо  ахатә саит аусура ахацыркра..

Амра Зарандиаҧҳа, Беслан Чхьынџьериа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
При выполнении скрипта возникла ошибка. Включить расширенный вывод ошибок можно в файле настроек .settings.php