Сынтәа раҧхьаӡа акәны Аҧснытәи ашьхақәа рҿы експедициа мҩаҧган.

11.07.2017
535

Аҧсны акультуреи, аҭоурых- культуратә ҭынха ахьчареи рминистрра, Аҳәынҭқарратә программа аҳәаақәа ирҭагӡаны, аҭоурыхтә культуратә ҭынхақәа ирыҵаракуа аобиектқәа ашәҟәы рҭагаларазы сынтәа раҧхьаӡа акәны Аҧснытәи ашьхақәа рҿы експедициа мҩаҧган. Раҧхьатәи аекспедициа мҩаҧган Хьымса ашьхаҿы. 

Аныҟәарақәа шымҩаҧысыз атәы иазааҭгылеит акультура аминистрраҿы имҩаҧгаз апресс-конференциаҿы. 

Ашьхарахь аныҟәара акультуратә ҭынхақәа ралкаареи ашәҟәы рҭагалареи 30- шықәса рышьҭахь раҧхьаӡа акəны имҩаҧган. Аҧсны АКУЛЬТУРЕИ, АҬОУРЫХ- КУЛЬТУРАТӘ ҬЫНХА АХЬЧАРЕИ Аминистр лхаҭыҧуаҩ Баҭал Кобахьиа иҳәеит, ас еиҧш иҟоу аусмҩаҧгатә акультуратә ҭынха ахьчараҿы акыр шаҵанакуа. Аекспедициа ахаҭаранакцәа Хьымса ашьхаҿ рыҟазаара иалагӡаны ирбаз ираҳаз рацәоуп. Аекспедициа иалахәыз ирҳәон, ирбаз гәахәарыла ишрыдыркылаз, аус здуулаша рацәоуп уи ҳара ҳҭоурых ауп, - рҳәон дара. 

Аҧснытәи ашьхақәа рҿы “Ажәытәӡатәи ааҭгыларҭақәа “ҳәа захьӡу апроект аҳәаақәа ирҭагӡаны имҩаҧыргараны иҟоуп зызнеира мариам ашьха ҭыҧқәа рҿы хә-експедициак. Уи хықәкыс иамоуп ажәытәӡатәи ауаа рааҭгыларҭақәа ралкаареи, аҵан рынхарҭақәеи уҳәа акльтуратә ҭынха иадҳәалоу аобиектқәа рыҭҵаареи. 

“Ишьхатәылоу Аҧсны” афонд аиҳабы Ҭенгьиз Ҭарба иҳәеит, Аҧсны ашьхақәа акырынтә дшырҭаахьоу , аха ари аекспедициа иара изы даҽа ҟазшьак шаанахәаз атәы. Аҭоурых- культуратә ҭынхақәа ирыҵаракуа аобиектқәа аинвентаризациа рызуразы ари раҧхьатәи проектуп. Ашьхатәыла иахьаҵанакуа аекспедициа алахәылацәа русура аныхдыркәшалак ашьҭахь ргәы иҭоуп акиносахьа аҧҵара, иара убас ашәҟәы аҭыжьра. 

 Фатима Гьергьиа, Михаил Братухин АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
25
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
31
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
44
Аҭыжьымҭаҿы:Ианҭаха ашьҭахь 143 медаль «Аиааиразы». Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
47
Ари ацәыргакәҵа еизнагеит жәлар рҟазара знапы алаку аҧышәа змоу рыдагьы, иахьа уажәраанӡа зхы ӡырзымгац, аха зус бзиабарала иазнеиуа аҿар.
Алаҳәарақәеи адныҳәаларақәеи
АГТРК