Ақыҭанхамҩатә наплакы «КОСТОР», Очамчыра араион Елыр ақыҭан аусура иалагеит ҳазҭоу ашықәс алагамҭазы.

13.07.2017
499

Ақыҭанхамҩатә наплакы «КОСТОР», Очамчыра араион Елыр ақыҭан аусура иалагеит ҳазҭоу ашықәс алагамҭазы. Акырпыжә аарыхра знапы алаку раалыҵ Аҧснытәи аџьармыкьахь ицәырыргахьеит. 

Аусдкылаҩцәа агәыҕра аадырҧшуеит сынтәатәи ашықәс иалагӡаны ҩажәа нызқь тонна рҟынӡа акырпыжә аадрыхып ҳәа. Ари анаплыкы Елыр ақыҭа аартра алыршахеит Бырзентәылатәи аинвесторцәа рыбзоурала. Иара аусура аххьацнаркыз цхыраагӡа духеит иааидкыланы араион аҟны ақыҭанхамҩатә усхк аҿиаразы. Макьаназы араҟа аус адырулоит ҩажәи жәаба гектар адгьыл. Уаҟа илаҵаны ирымоу акырпыжә мышқәак раҧхьа аҭиарахьы ицәырыргеит.

Иазгәаҭатәуп, аалыҵ ахаҭабзиара акыр ишыҳаракыу. Акырпыжә аминералтә рҵәыгақәа рыда акагьы аларгалаӡом. Иахьазы араҟа аус руеит жәаҩык инарзынаҧшуа аҭыҧантәи ауааҧсыра. Дара зегьы анаплакы иахәҭоу уалафахәыла еиқәнаршәоит. 

Иаадрыхуеит “Бостаниеи” “Флоридеи” захьӡу ҩ- хкык акырпыжә. Аус руеит Бырзентәылатәи атехнологиақәа инарықәыршәаны. Анапалакы мышктәи аалыҵ жәа- тоннак рҟынӡа инаӡоит. 

Изҭахыу дарабанызаалак алшара имоуп аҭыҧ аҟны ҩажәи хәба мааҭ ҳәа кьылак акырпыжә иахшәааны аахәаразы. Ахәқәа шьақәдыргылоит аҭыҧантәи аџьармыкьақәа рыхәқәа инарықәыршәаны. Аалыҵ аҳәаанырцә агара ахьыуадаҩу иахҟьаны Аҧсны ирҭиуеит. Аусдкылаҩцәа аҧхьаҟа иазгәаҭаны ирымоуп аҵыҵындра аарыхра рнапы аларкырц.

 А. Корсаиа, А. Маланиа ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
13 Декабр 2017
60
Аҭыжьымҭаҿы:Ицәыргоуп 180 рҟынӡа усумҭа. Аҟəа иаатит Александр Чачба иаҧҵамҭақәа рцәыргақәҵа.
13 Декабр 2017
45
Уажәазы Аҧсаӡ хада азы иаахәаз арҧшӡагақәа кнарҳауеит.
13 Декабр 2017
31
Амобилтә еимадара иаҧнаҵаз акомиссиа есышықәса астудентцәа рыбжьара иреиҕьу алнахуеит. .
13 Декабр 2017
63
Аҧсны аҧыза-министр Беслан Барцыц Аҟәеи , Афон Ҿыци, Гәдоуҭеи рықалақьқәа рхадацәа амашьынақәа риҭеит .
12 Декабр 2017
75
Аҭыжьымҭаҿы:Иааиуа ашықәсазтәи  аҳәынҭқарратә биуџьет апроект актәи аҧхьарала ирыдыркылеит Жәлар Реизара адепутатцәа
Загрузка плеера
Алаҳәарақәеи адныҳәаларақәеи
АГТРК