Аџьар ҟаҧшь Жәларбжьаратәи аилак ахантәаҩы дыҧсахуп.

18.07.2017
367

Аџьар ҟаҧшь Жәларбжьаратәи аилак ахантәаҩы дыҧсахуп. Изеиҧшроузеи  аиҳаб ҿыц лыгәҭакқәа? Иарбан проектқәоу ҳаҧхьаҟа аилак иазгәанаҭо? Абарҭқәа  еилыркаауан ҳкоресспондентцәа.

Аџьар ҟаҧшь Жәларбжьаратәи аилак амиссиа аиҳабыс иҟаз Мауро Морабито ицәажәараҿы ҩышықәса ирылагӡаны  иусура алҵшәақәа дырзааҭгылеит. Иҳәеит, уаанӡа егьырҭ атәылақәа рҟынгьы ари ахырхарҭала аус шиухьаз, аха хаҭала Аҧсны иаҳа аусура шизымыншәалахаз.

Аиҳабы ҿыцс иарҭаз Латвиантәи дааит. Ҳелен Старе лаҧхьаҟа лыгәҭакқәа рацәоуп. Мышқәак раҧхьа Аҧсны иаҭааз уажәнатә илдыруеит лнапы злалкуа аус. Лара илҳәоит, Аҧсны ажәабатәи  атәыла  шакəу  аус лураны   дахьыҟоу. Шьҭа ҩажәа шықәса ҵуеит агуманитартә цхыраара  аганахь ала аус луеижьҭеи.

Аџьар Ҟаҧшь Жәларбжьаратәи аилак ҩажәи хәба шықәса ирылагӡаны аҳәынҭқарразы акрызҵазкуа апроектқәа еиҿнакаахьеит. Аҭынчреи асоциалтә иашареи рзы Аҧсны анацәа рхеилак  ацхыраарала ҩнызқьи жәаха шықәса рзы ихацыркын Аҧсны аџьынџьтәылатә еибашьраан иҭахаз афырхацәа рыбыҩқәа рыҧшааразы апроект. Уи апроект аҩ-ганк реицәажәарақәа ирыбзоураны иалнаршеит Аҧсны зхы ақәызҵаз ҩынҩажәа- ҩык  рхаҭарақәа рышьақәргылара.

Иахьазы аколлектив рацәак идуумзаргьы  рус бзианы  ирдыруеит. Ҳазлацәажәо апроект аусура ҳаҧхьаҟа ишаанкыламхо, аиҳабы ҿыц Ҳелена Старе еизаз зегьы агәра длыргеит.  Аиҧылара аҵыхәтәаны, Аҧсны анацәа рхеидкыла  ахантәаҩы Гәыли Кьычҧҳа Аџьар ҟаҧшь жәларбжьаратәи аилак амиссиа аиҳабыс иҟази ҿыц иарҭази,  ҳамҭас ирылҭеит Аҧсны ахьӡ зҳәо ашәҟәқәа.

Наала Чхьынџьериаҧҳа, Михаил Братухин, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
137
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
125
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
146
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
111
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
93
15 Август 2018
77
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК