Гал ақалақь ҧшьынҩажәи хәба шықәса ахыҵит.

19.07.2017
665

Гал ақалақь ҧшьынҩажәи хәба шықәса ахыҵит.

Аҧсны Ахада Рауль Ҳаџьымба ари арыцхә рыдиныҳәалеит галаа. Гал убасгьы имҩаҧысит Мырзаҟанаа актәи реизара ду. Арҭ ахҭысқәа ирылахәын Жәлар Реизара аиҳабы Валери Кәарҷиа, Аҧыза- министр Беслан Барцыц, Аҧыза – министр ихаҭыҧуаҩ Беслан Ешба. 

Шьыжьнаҵы Гал ақалақь аҟны иаразнак убла иабон, уцәа ианыруан аныҳәа шыҟаз. Иара аиҿкааҩцәа апрограмма еиқәдыршәеит угәы ҧнамҵәо.Аха урҭ рынагӡара иалагаанӡа, Аҧсны анапхгара рхаҭарнакцәеи, араион аиҳабыреи ауаажәларреи, ашколхәыҷқәеи ашәҭқәа шьҭарҵеит Аҧсны Жәлар Рџьынџьтәылатә еибашьра аан аҧсадгьыл шырыхьчоз иҭахаз афырхацәа гәымшәақәа рбаҟа амҵан.

Сталини Бериеи рхаан уахыкала ақырҭқәа ҳәа ианырҵаз аҧсуаа ракәын еиҳараӡак Гал араион аҿы инхоз. Аҧсуаа роуп иара Гал ахаҭагьы еиҿызкааз. Аныҳәа аҳаҭыр азы ақалақь агәаны ахаҧшьгаратә ансамбльқәа алархәны еиҿкаан аконцерт. Хадаратәла асцена иқәгылоз ахәыҷқәеи ақәыҧшцәеи ракәын. Аныҳәа аҽны ақалақь агәаны убасгьы еиҿкаан араион ақыҭақәа рҟнытә анхацәа ршәыри руҭраҭыхи уҳәа иаадрыхыз рцәыргақәҵа. 

Аҧсны Аҧыза- министр Беслан Барцыци аныҳәа ашҟа ааҧхьара змаз асасцәеи, уи иаҭааит. Агьама рбеит анхацәа рҽаҩра. Убасгьы Гал имҩаҧысит Мырзыҟанаа актәи реизара ду . Уи иалахәын змилаҭ ақырҭуа ҳәа ирыҧсахыз аҧсуаа рхылҵшьҭрақәа. Аизара ду аделегатцәа рҿаҧхьа дықәгылеит Аҧыза министр Беслан Барцыц. Иара даҧхьеит Аҧсны Ахада Галаа ирзыҟаиҵаз адныҳәаларатә шәҟәы. Мырзыҟанаа реизара ду аҿы иқәгыгланы ицәажәоз ирҳәон, зҭоурыхтә милаҭ ашҟа ихынҳәырц зҭахыу ацхыраара шырзыҟаҵатәу аҳәынҭқарра аҟнытә.

Иазгәаҭатәуп, Гал ақалақь ҧшьынҩажәи хәба шықәса ахыҵра иазкыз аныҳәа ишацҵаз хәылбыҽханӡа. 

 Д, Инаҧшьба, А. Агәхаа АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
12
Иара Аҧсны амилаҭтә олимпиатә еилакы аҿы  адныҳәаларақәа идикылон
15
Убри инамаданы имҩаҧган афонд ахаҭарнакцәа злахәыз апресс-конференциа.
24
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК