Ииуль 18 рзы , ареспубликатә политикатә партиа «Иакыу Аҧсны» имҩаҧнагеит аилатәара .

19.07.2017
793

Ииуль 18 рзы , ареспубликатә политикатә партиа «Иакыу Аҧсны» имҩаҧнагеит аилатәара . Уи  иалахәын  апартиақәа : «Амцахара », «Аинар »,   ауаажәларратә еилазаара «Абзанхара», асоциалтә – економикатә  ҭҵаара афонд  «Аҧра», Аҧсны жәлар реизареи  ақалақьтә еизареи  рдепутатцәа .  Ирылацәажәон     ареспублика  аҩныҵҟатәи  аҭагылазаашьа зеиҧшроу азҵаара.

Аӡәгьы изы имаӡаӡам  , Аҧсны   имҩаҧысуа ацәгьоурақәа   анырра  шыҟарҵо еиуеиҧшым  амассатә  аинформациа ахархәагақәеи аинтернет цәаҳәақәеи рҟны  еиҧш, ауажәларра рыҩныҵҟагьы.

Апартиа «Иакыу Аҧсны»  ахантәаҩы Сергеи Шамба аилатәара аартуа, дазааҭгылеит  иахьатәи аамҭазы иҟоу  апроблемақәа  ишцәырырырго  агәҭынчымра  зцу  аҭагылазаашьа . Уи елкааны, аӡбараҿы досу,   иарбан партиазаалак дызлоу  ҳәа еилых ҟамҵаӡакәа  еидгыланы , рыхшыҩ  еилаҵаны аицәажәарақәа аҭахыуп, иҳәеит иара.

Аҧсны Жәлар Реизара  адепутат Аслан Бжьаниа диқәшаҳаҭхеит Сергеи Шамба , ас еиҧш иҟоу аиқәшәарақәа , аицәажәарақәа ирыбзоураны,   аиаша  азнеира  ауеит. Иара игәаанагарала,   амаҵзурақәа аанызкыло џьоукы  рнапынҵақәа  рынагӡашьа рыздырӡом.

Аҧсны жәлар реизара адепутат Баҭал Табагәуа   игәаанагарала  , иҳамоу апроблемақәа зегьы еидҳәалоуп. Иара иажәақәа рыла,  алхрақәа рымҩаҧгашьа ҧсахтәуп . Адепутатцәа   иаархәоит  алхыҩцәа рыбжьы, ҳəа иҧхьаӡоит. Нас ииашамкәа зхы мҩаҧызгаз алхыҩ , еиҳаракгьы  ауаажәларратә  ҭыҧ   аанызкыло ,  иҟаиҵо агха узиамҳәо  , иаҭаххаргьы иҭыҧ дузамымхуа , аҭагылазаашьа уҭаиргылоит . Ҳазҭагыло  аамҭазы амҩаду рзыҟазҵо адепутат рыбжьы ирҭо аҟынӡа ҳнеины ҳаҟоуп, -  иҳәеит Баҭал Табагәуа .  Иара убасгьы ихадоу аусқәа ааныжьны  рацәак ихадам  аусурақәа  афинанстә цхыраара рзыҟарҵоит ҳәа иҧхьаӡоит  адепутат.  ,
Апартиа «Амцахара »ахантәаҩы Алхас Кәыҵниа ааҧхьара изҭаз иҭабуп  раҳәо , агәра игоит ицәырҵуа апроблемақәа мап рцәымкыкәа абас еиҧш аиқәшәарақәа рҿы  иаахтны иқәдыргылар ,аҵыхәтәанынӡа иҭҵаахар  ,урҭ рхыҧхьаӡара акырӡа ишмаҷхо атәы . Иара убас   иазгәеиҭеит,  азинхьчаратә усбарҭақәа  русураҿы ишыҟоу  аиҧҟьарақәа , ари аус иаарласны аҭыҧ ишықәҵатәу.

Сергеи  Шамба ажәалагала  ҟаиҵеит ,   атәым  ҳәынҭқаррақәа ртәылауаа рганахь ала  ацәгьоура  ҟазҵо  рахьырхәра  азы  азакуан иҵегьы ирҕәҕәазарц.  

Апартиа «Иакыу Аҧсны»аринахысгьы имҩаҧнагалоит актуалра злоу азҵаарақәа ирызкыу аилатәарақәа . Уаҟа ирылацәажәалоит апроблемақәа. Иазгәарҭалоит    дара рыӡбашьа  амҩақәа.

Дениза Гьергьиаҧҳа,  Леон Адлеиба, АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
7
Аҭыжьымҭаҿы: Акурорттә сезон  аихшьаалақәа рзы. Аҧсны  Ахада  дидикылеит акурортқәеи атуризми рзы    аминистр.
9
Борис  Гәыргәылиа ишәҟәы ахҧатәи атоми , иара иҷкәын изку  ашҟәы  «Абзагәи ».
12
Ҟрымтәи асасцәа рныҟәара хацдыркит  Аҟәатәи  ахшаалыҵ зауад ала.  
10
Иара Ахада изеиҭеиҳәеит, ҳазну ашықәс ноиабр акынӡа ареспублика ишаҭааз миллионҩык рҟынӡа аҧсшьаҩцәеи атуристцәеи.
43
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
50
Иара Аҧсны амилаҭтә олимпиатә еилакы аҿы  адныҳәаларақәа идикылон
Алаҳәарақәеи адныҳәаларақәеи
АГТРК