Аҟəатəи ауарашҭыжьырҭатə наплакы.

19.07.2017
720

АҞәатәи ауараш ҭыжьырҭатә наплакы даҭааит аекономика аминистр Адгәыр Арӡынба. Иара еиликаауан аинвестициатә программа аҳәаақәа ирҭагӡаны анаплакы иаиуз ацхыраара алҵшәақәа зеиҧшроу. 

Аҟәатәи ауараш ҭыжьырҭатә зауад ҳтәылаҿы зегь иреиҳау напалкуп уҳәар ауеит. Аусура арманшәаларазы есааира алагала ҿыцқәа ҟарҵоит. Иазгәаҭатәуп, араҟа ахархәара шрымоу ҳаамҭа иақәшәо, еиуеиҧшым аҳәынҭқаррақәа рҟынтәи иааго амыруга ҷыдақәа, иажәыз ҧсахны. Асеиҧш аиҭашьақәыргыларатә усурақәа рымҩаҧгара алыршахеит Аҧсны аекономика аминистрра анаплакы ирыднагалаз апроект анышьақәдырҕәҕәа.

Иҳәатәуп, аиҭашьақәргыларатә усурақәа цонаҵы, анаплакы иаиуа ахашәала аҟнытә шәахтә ҳасабла иршәо ҩынҩажәи жәаба процент шакәу. Аҟәатәи ауараш ҭыжьырҭатә наплакы аиҳабы Амра Ануаҧҳа илҳәеит ,аҳәынҭқарра иҟанаҵаз адгылара анаплакы аусура акыр ишарманшәалаз атәы.

Иазгәаҭатәуп, ауараши егьырҭ арыжәтә хаақәеи рҭыжьраҿы рхы ишадырхәо атехнологиа ҿыц. Уи иалнрашоит аалыҵ ахаҭабзиара акыр ашьҭыхра. Уажәазы шамахамзар анаплакы аҟны иҭрыжьуа ауараш ахьырҭиуа ареспублика аҩныҵҟа ауп. Арыжәтә хаақәа Урыстәылаҟа ианыршьҭуагьы ыҟоуп. Анапалак аҟны ихацыркыз аиҭашьақәыргыларатә усурақәа актәи аетап хыркәшоуп. Уажәы рҽаздырхиоит иазгәаҭан ирымоу егьырҭ аусурақәа рылагара. 

Амра Зарандиаҧҳа, Беслан Џьынџьал АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
5
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
3
Ари ашықәсазы аицлабраҿы иқәыргылан аноминациақәа ааба.
45
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК