Афотоҭыхыҩ Ибрагим Ҷкадуа ихатә коллекциа аҟнытә «Аҧсны ахсаалақәеи агравиурақәеи» рцәыргақәҵа аартуп Аҟəа.

19.07.2017
553

Аҧсуа  ҳәынҭқарратә бираҟ   амш  иазкын Аҟәатәи асахьаҭыхыҩцәа рцәыргақәҵатә зал хадаҿы  иаартыз  афотоҭыхыҩ  Ибрагим Ҷкадуа ихатә коллекциа аҟнытә «Аҧсны  ахсаалақәеи  агравиурақәеи»  рцәыргақәҵа.
Ацәыргақәҵа аҭааҩцәа ирыман алшара Ибрагим  Ҷкадуа ихатә коллекциа аҟынтәи, ажәибыжьтәи ашәышықәса инаркны  аҩажәатәи  аҟынӡа ирыҵанакуа ахсаалақәеи агравиурақәеи рбара. Урҭ рҟны иаарҧшын  Аҧсны  ҧшь-шәышықәсак ирылагӡаны  изнысыз амҩа.

Ацәыргақәҵа еиднакылеит имаҷымкәа  атопонимикеи аетнографиеи, аазырҧшуа ахсаалақәа. Иара убасгьы  агеографиатә, аполитикатә хсаалақәагьы ыҟоуп. Урҭ реиҳарак автор еизигеит еиуеиҧшым атәылақәа рҿы. Рыхәҭак аинтернет –аукцион аҿы иаахәазар, егьырҭ автор иҩызцәа рыцхыраарала  иҧшааит. Аҧсны аҭҵаарадырраз ари акрызҵазкуа хҭысуп ҳәа азгәарҭон, ацәыргақәҵа иаҭааз.

Аҟәатәи асахьаҭыхыҩцәа рцәыргақәҵатә зал хадаҿы имҩаҧысуаз акультуратә хҭыс ахь имҩахыҵыз реиҳараҩык  аҭоурыхҭҵааҩцәеи, аҟазара знапы  алакыуи   ракәын. Доусы илаҧш иҵашәоз аусумҭа  акыр аамҭа дадгыланы ихатә лкаа   азыҟаиҵон. Анаҩс даҽа усумҭак ашҟа  диасуан.

Афотоҭыхыҩ, арежиссиор, ажурналист Ибрагим Ҷкадуа ицәыргақәҵа аартра аларшахеит амобилтә еимадара “Аҟәафон” ацхыраарала. Уи ахаҭарнакцәа изныкымкәа аҟазара  ӡырызго аус адгылара арҭахьеит. Уажәгьы дара рыбзоурала игәҭакқәа рынагӡара илшеит  Ибрагим  Чкадуа. Хышықәса инареиҳаны аус здиулоз,  аусумҭақәа  рҿы иҟоуп  ҩынҩажәа хсаалеи, агравиурақәа  жәабеи. Автор иазгәеиҭеит,  ацәыргақәҵа аартра  хықәкы хадас ишамоу  Аҧсны аҭоурыхи архивқәеи  ауаа радыҧхьалара.  Уи  ус шакәу арҵабыргит  уажәтәи ацәыргақәҵагьы.

Наала Чхьынџьериаҧҳа, Леон Адлеиба, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Маи 2018
53
Уи еизнагеит апоет иажәеинраалақәа бзиа избо ашәҟәыҩҩцәеи, аҵарауааи, ауаажәларатә усзуҩцәеи, арҵаҩцәеи, аҵаҩцәеи.
18 Маи 2018
162
Уи аҳәаақәа ирҭагӡаны, Москватәи аҳәынҭқарратә университет аушьҭымҭацәа Вардаиаҧҳа Валериеи Громова Анастасиеи иаздырхиаз апроект иазааҭгылеит.
17 Маи 2018
104
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
146
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
Загрузка плеера
Алаҳәарақәеи адныҳәаларақәеи
АГТРК