Тҟәарчалтәи араионтә хәышәтәырҭа аиҭашьақәыргылара нап аркуп.

20.07.2017
330

Тҟәарчалтәи араионтә хәышәтәырҭа аиҭашьақәыргылара  нап аркуп.  Уи  алыршахоит  Урыстәыла Аҧсны иазыҟанаҵо афинанстә цхыраара иабзоураны.

Тҟәарчалтәи араионтә хәышәтәырҭа  аҭоурых ду амоуп. Тҟәарчалтәи араионтә хәышәтәырҭа аус ауеит зқьи жәшәи ҩынҩажәи жәаа шықәса раахыс. Аҧсны Аџьынџьтәылатә еибашьраан ахәышәтәырҭа аҟны еиҿкаан   ахәцәа ахьрыдыркылоз аҭыҧ. Араҟа аус зуаз аҳақьымцәа  аҕацәа рхымҭа иаганы иҟаз ҳаибашьцәа аҧсҭазаарахь идырхынҳәуан. Аибашьра ашьҭахь ахәышәтәырҭа  акапиталтә ремонт шазумгьы,  есыҽны иаднакылоит згәабзиара уашәшәыроу ауааҧсыра.  Узыргәырҕьаша хҭысхеит сынтәа,  аҭоурых ду  змоу ахәшәтәырҭа аиҭашьақәыргылара нап аркра.

Аусбарҭа аиҳабы Леонти Аршба  иажәақәа рыла, еиҭашьақәыргылахоит ахәышәтәырҭа иаҵанакуа ахыбрақәа , ахирургиа, атерапиа, аполиклиника уҳәа аҟәшақәа зегьы. Аҭыҧ аҟны аус руеит абригадақәа жәба, аусбарҭа аиҳабы инаҵшьны иазгәаиҭеит, аргылара знапы алаку ауаа ақалақь ауааҧсыра шраку. Уажәтәи аамҭазы аусурақәа ахьымҩаҧысуа ахыбрақәа рыҩныҵҟа ауп.

Араионтә хәышәтәырҭа аиҭашьақәыргылара аамҭа иалагӡан аусзуҩцәа еиҭагоуп ахәышәтәырҭа ашҭа аҟны иҟоу ахәыҷтәы поликлиникеи аинфекциатә  ҟәшеи рхыбрақәа рахь. Араҟа  иаҧҵоуп алшарақәа ацхыраара зҭаху ауааҧсыра рыдкыларазы. Тҟәарчалтәи араионтә хәышәтәырҭа аиҭашьақәыргылара  алыршахеит Урыстәыла Аҧсны иазыҟанаҵо афинанстә цхыраара иабзоураны. Иааидкыланы,  аиҭашьақәыргыларатә усурақәа ирзоужьхоит  ҩышә миллион мааҭ инацны.

Аинвестициатә программа аҳәаақәа ирҭагӡаны Тҟәарчал ақалақь аҟны имҩаҧысуа аусурақәа дырзааҭгылеит араион ахада Аида Чачхалиаҧҳа.

Сынтәатәи ашықәсазы  аинвестициатә программа аҳәаақәа ирҭагӡаны еиҭашьақәыргылахоит  Тҟәарчал ақалақьи Бедиа ақыҭеи  еидызкыло амҩаду.

А.Шьакаиа, Б. Чхьынџьериа,АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Маи 2018
63
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
112
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
16 Маи 2018
119
Аҧсны аҵареи аҭҵаарадырреи рминистрра атəыла Ахада иахь иҟарҵаз аҳəара инақəыршəаны, урҭ раахəаразы аҧара рзоужьын Аҧсны Ахада ифонд аҟынтə.
16 Маи 2018
110
Аҟəатəи ақалақьтə еизара аҟны ари азҵаара ӡбаахаанӡа уаанӡатəи ахəҧсала аус рулоит..
Загрузка плеера
Алаҳәарақәеи адныҳәаларақәеи
АГТРК