Ҭырқәтәыла Сақараиа ақалақь аҧсуа культуратә центр аҿы еиҿкаау акәашаратә коллектив «Аҧсынра» ҳтәыла иаҭоуп.

20.07.2017
655

Аҧсны иааны иҟоуп Ҭырқәтәыла Сақариа ақалақь аҿы еиҿкаау акәашаратә коллектив «Аҧсынра» артистцәа. Аҧсадгьыл ахь архынҳәразы аҳәынҭқарратә еилакаҿы имҩаҧысит аделегациа ахаҭарнакцәа рҧылара. 

Асасцәа бзиала шәаабеит ҳәа раҳәо, Аҧсадгьыл ахь архынҳәразы аҳәынҭқарратә еилакы ахантәаҩы Беслан Дбар иазгәеиҭеит, гәахәа дула ишрыдыркылаз ансамбль иалаз Аҧсныҟа раара. «Аҧсны иҳамоуп имаҷымкəа акәашаратә коллективқәа, ҳаиҭанеиааирақәа рҳәаақәа рырҭбаара акыр аҵанакуеит, иҳәеит Дбар. 

Ҭырқәтәылатәи акуашаҩцәа ргәыҧ, «Аҧсныра» ҳәа хьӡыс измоу арахь иаауеижьҭеи ҩынтәуп. Дара рҟазара ҳарак ала ахәаҧшцәа дыршанхахьеит. Аҧсныҟа ҩынтәуп иаауеижьҭеи дара рҟазара ала аҧсуа хәаҧшҩцәа дыршанхахьеит . Сынтәагьы Аҧсны еиуеиҧшым ақалақькеи араионқәеи, рҿы аконцерттә программа ала рҟазара ддырбараны иҟоуп . Аделегациа аиҳабы Мисуҭ Папба иҭабуп ҳәа ахиҳәааит ирзыҟаҵаз ахаҵгыларазы. Мисуҭ Папба иҳәеит, Сақариа ақалақь аҿы инхо аҧсуаа рхыҧхьаӡара шмаҷым, аҳәара ҟаиҵеит аҧсуа бызшәа амырӡразы Аҧснынтәи арҵаҩцәа нарышьҭырц азы. Аҧсадгьыл ахь архынҳәразы аҳәынқарратә еилакы ахантәаҩы иазгәеиҭеит, уи азҵаара ахшыҩзышьҭра ду шарҭо, аамҭакьаҿк иалагӡаны аҧышәа змоу арҵаҩцәа шалҧшаахо. Ҭырқәтәыла иҟоу Аҧсны ахаҭаранак Вадим Ҳаразиа иҳәеит, аҧхьаҟагьы русеицура аҽшарҭбаауа.

Аҳәаанырцә иҟоу ҳашьцәа рыҧсадгьыл ашҟа рхьарҧшразы иҟаҳҵаша рацәоуп, ҳәа азгәеиҭеит иара. Ансабль «Аҧсынра» артистцәа Аҧсны рыҟазаара иалагӡаны еиуеиҧшым аиҧыларақәа мҩаҧыргараны иҟоуп, ахәаҧшцәа ирыздырхиаз апрограмма аинтерес аҵоуп. Убри анаҩсгьы Аҧсадгьыл ахь архынҳәразы аҳәынҭқарратә еилакы дара рзы еиҿнакаараны иҟоуп атәыла аҭоурыхтә ҭыҧқәеи аҭыҧ ҧшӡарақәеи рҭаара.

 Фатима Гьергьиаҧҳа, Роберт Ломиа ,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ишҧеиҿкааз ари аҧсшьаратә сезон азы Риҵатəи амилаҭтə ҳәырҧсарра аусура?
5
Иара еиднакылеит аиҳабыратә абиҧарақәа ирыҵаркуа апоетцәа реиҧш, аҿарацәа ражәеинраалақәагьы.
21
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
13
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
Алаҳәарақәеи адныҳәаларақәеи
АГТРК