Аҧсны иаҧҵоуп аҭоурых- культуратә ҭынха аиқәырхаразы ауаажәларратә еиҿкаара.

21.07.2017
748

Владислав Арӡынба ихьӡ зху Афырхаҵара ахьӡ- аҧша амузеи аҟны имҩаҧысит «Аҭоурых- культуратә ҭынхақәа рыхьчара» иазку ауаажәларратә еиҿкаара ҿыц актәи аилатәара.

Еиуеиҧшым аамҭақәа рзы Аҧсны иргылаз, аҭоурых ду змоу ахыбрақәа реиқәырхара ҳтәыла иқәынхо зегьы ируалуп.Имаҷым, урҭ реиҭашьақәыргыларазы аҳәынҭқарра имҩаҧнаго ауснагӡатәқәа. Убри инамаданы, зусура ҿыц ихацыркыз ареспубликатә ауаажәларратә еиҿкаара «Аҭоурыхи акультуреи рбаҟақәа рыхьчара» ҳәа хьӡыс измоу, аусура хада азкуп еиуеиҧшым амзызқәа ирыхҟьаны иахьатәи аамҭазы игәыгәҭажьны иҟоу, мамзаргьы, аиҭашьақәыргыларатә усурақәа ззутәу аҭоурыхтә баҟақәа рызхьаҧшра. 

Аҳәынҭқарратә усбарҭақәа адгылара рыҭан, урҭ абаҟақәа еиҳа ахылаҧшра рзура ауп хықәкы хадас иамоу ҳара ҳаиҿкаара, иҳәеит аҭоурыхтәи акультуратәи баҟақәа рыхьчаразы ареспубликатә ауаажәларратә еиҿкаара ахантәаҩы «Константин Ҭыжәба . Ас еиҧш иҟоу ауаажәларратә еиҿкаара ҿыц акультуратә ҭынхақәа ирхыҧхьаӡалоу абаҟақәа реиқәырхаразы хәарҭара ду злоу акәны иҟоуп ҳәа иҧхьаӡоит Аҧсны Ахада иабжьгаҩ Владимир Занҭариа. Аиҿкаара алахәылацәа иҟарҵаз ақәҵара инақәыршәаны, аҭоурыхтә баҟақәа ишакәым ирызныҟәаны аҧырхага рызҭо ауааҧсыра ирыдло аҭакҧхықәра шьҭыхтәуп. 

Иара убасгьы аиҿкаара аҟны ирыҧхьаӡоит зинда имҩаҧырго аргыларақәа архитектура ахаҿра шыбжьырхуа. Ари азҵаара ахылаҧшра аҭатәуп. Иҳәан Аҧсны иҟоу акультуратәи аҭоурыхтәи баҟақәа рҭаара аҵаҩцәа рзы хәыда ҧсада аиҿкаара аҭахыуп ҳәа ишырыҧхьаӡо, урҭ рҭоурых инарҵауланы адырразы. 

Иазгәаҭан ҩнызқьи жәаа шықәсазтәи аҳәынҭқарратә биуџьет анеиқәдыршәо хазы иадырбарц аҭоурыхтә баҟақәа реиҭашьақәргыларазы ахарџь. Аизараҿы иқәгылоз зегьы иазгәарҭон, ари ауаажәларратә еиҿкаара аҧеиҧш шамоу атәы. Аҵыхәтәаны иӡбан ари аиҿкаара ахеилак иалаҵазарц ҩажәи хә-ҩык. Дара рхыҧхьаӡараҿы иҟоуп ауаажәларратә усуцәа, аҵарауаа.  

Амра Зарандиаҧҳа, Беслан Чхьынџьериа ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
5
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
3
Ари ашықәсазы аицлабраҿы иқәыргылан аноминациақәа ааба.
45
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК