Иҧсҭазаара далҵит Аҧсны жәлар рџьынџьтәылатә еибашьра аветеран ,Леон иорден занашьаз,Баҭал Владимир- иҧа Ҕәынџьиа.

21.07.2017
974

Иҧсҭазаара далҵит Аҧсны жәлар рџьынџьтәылатә еибашьра аветеран , Леон иорден занашьаз, ареспублика аҳәынҭқарратәхьчара амаҵзура амаиор Баҭал Владимир- иҧа Ҕәынџьиа. Ачымзараа бааҧсы иҿнаҵәаз иҧсҭазаара зегьы иҧсадгьыл ахьчара иазкын.

Иҳаҩсыз ашәышықәса аҧшынҩажәижәабатәи ашықәсқәа рзы еиҿкааз аҩныҵҟатәи ар рполк иалалоз апатриотцәа рыгәҭа дгылан Баҭал Ҕәынџьиа. Иҩызцәа ирцәыуадаҩуп, уажәы дыҟан ҳәа ииасыз аамҭала ихцәажәара. Зегь раҧхьа иргылан иара ауаҩра илан дгәыбылҩын, дпатриотын. Аҧсны жәлар рџьынџьтәылатә еибашьра ианалага, Баҭал Ҕәынџьиа аҧсадгьыл бзиа избоз Кындыҕаа зегь реиҧш ақырҭуа мпыҵахалыҩ диҿагылеит. Раҧхьатәи ахәра ахьиоузгьы иқыҭаҿоуп. Гәдоуҭатәи арратә госпиталь аҟны иҽанихәышәтә ашьҭахь, Баҭал Ҕәынџьиа Шроматәи ахырхарҭала ижәылоз “Шьараҭынаа”ргәыҧ далан.

Анаҩс ҩаҧхьа мрагыларахьтәи афронтахь дцоит. Аибашьра ашьҭахьтәи аамҭа уадаҩ азы, аҩбатәи агәыҧ змаз аинвалид Баҭал Ҕәынџьиа Аҧсны атәылахьчара аминистрра аҧшыхәратә усбарҭаҿ дыҟан. 

Имаҵзуратә уалҧшьақәа наигӡон Аҧсныи Қырҭтәылеи рҳәаа Егры ахықәани Кәыдырҭеи.Изныкымкәа иҧсҭазаара ашәарҭа иҭадыргылахьан аҕацәа. Баҭал Ҕәынџьиа аибашьра аан иааирҧшыз агәымшәаразы ианашьан Леон иордени, егьырыҭ арратә ҳамҭақәеи.  

Д.Инаҧшьба, А. Агәхаа , АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
29
Ишҧеиҿкааз ари аҧсшьаратә сезон азы Риҵатəи амилаҭтə ҳәырҧсарра аусура?
35
Иара еиднакылеит аиҳабыратә абиҧарақәа ирыҵаркуа апоетцәа реиҧш, аҿарацәа ражәеинраалақәагьы.
37
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
33
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
Алаҳәарақәеи адныҳәаларақәеи
АГТРК