Аҧсны Ахəҳаахəҭра ааглыхратə палата.

21.07.2017
701

Аҧсны Ахәҳаахәҭра ааглыхратә палата иҟанаҵаз аҧшьгарала, аҳҭны қалақь ахақәиҭра ашҭа иахьаҵанакуа ауааҧсыра знысуа амҩаду аҿы аплиткақәа рышьҭаҵара рнапы аларкит. Аамаҭа кьаҿк иалагӡан 750 метр ҧшьыркца иахьаҵанакуа аусурақәа нагӡан.

Ахәҳаахәҭра Ааглыхратә палата ҩнызқьи жәохә шықәса азы ахахьы иагеит Аҟәа Ахақәиҭра ашҭа ахылаҧшреи, арыцқьареи, атәарҭа ҭықәа рыҟаҵареи, иара убас уи акәша- мыкәша фымцалашарала аиқәыршәара. Хықәкысгьы ирыман аиааира ду амш ҩажәи хәба шықәса ахыҵра азы аусурақәа зегьы рхыркәшара. «Ахақәиҭра Апарк» ҳәа захьӡу агәыҳалалратә Фонд еиҿкаан Ахәҳаахәҭра ааглыхратә палатаҿы.

Апалата ахаҭарнакцәа имҩаҧырго аусурақәа ирыбзоураны, апарк ахаҿра аҧсахуа иалагеит. Аусура хацыркын апарк арыцқьарала . анаҩс уи ахәҭак аҿы ахаҳә ықәҵан. Афонд аиҳабы Инал Абыхәба иҳәеит, Ахақәиҭра ашҭа зегьы ишеицаҳзеиҧшу. Алшара змоу рҟынтә афинанстә цхыраара аҟаҵара аныҟала, ҳхықәкы наҳагӡоит, иҳәеит иара. Уажәазы Афонд амч зықәхо Владислав Арӡынба имҩаду азааигәара иҟоу апарк аҿы 750 метр ҧшьыркца аплитка ақәҵара ауп.

Анаҩс аҧара ахьырзымхо иахҟьаны, аусурақәа аанкылахоит. Ҩаҧхьа Ахақәиҭра ашаҭа згәы азыбылуа, иара убасгьы ҳдиаспора ахаҭарнакцәа, абизнес уаа, аҳҭны қалақь ауааҧсыра уҳәа изларылшо ала ацхыраара ҟарҵаанӡа.

 Фатима Гьергьиаҧҳа, Ҭемыр Гогохьиа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
24 Маи 2018
25
Активла рхы аадырҧшит ашколқәа реиҧш , ақалақь аҟны иҟоу аусбарҭақәа зегьы.
24 Маи 2018
41
Араион ахадара, амчратә усбарҭақәа рхаҭарнакцәа, ақалақьуаа - досу ирылшоз ала рықалақь дрыцқьон.
24 Маи 2018
36
Шьыжьнаҵы , асааҭ ааба инаркны Аҟәа ақалақь еиуеиҧшым аиҿкаарақәа , анаплакқәа , ашколхәыҷқәа , арҵаҩцәа дасу идрыцқьарц ирыдыз аҭыҧқәа рҿы аҽеизгара иалагахьан .
Загрузка плеера
Алаҳәарақәеи адныҳәаларақәеи
АГТРК