Усутә визитла Аҧсны даҭааит Нхыҵ- Кавказтәи ареспубликақәа русқәа рзы Урыстәылатәи аминистр Лев Кузнецов.

24.07.2017
440

Усутә визитла Аҧсны даҭааит Нхыҵ- Кавказтәи ареспубликақәа русқәа рзы Урыстәылатәи аминистр Лев Кузнецов.

Гагра иара диҧылеит Аҧсны Аҧыза- министр Беслан Барцыц. Амш актәи азыбжазы игәарҭеит Гагреи Гәдоуҭеи рраионқәа рҟны аинвестициатә программа аҳәаақәа ирҭагӡаны зеиҭашьақәыргылара иаҿу ахыбрақәа.

Урыстәыла Аҧсны иазыҟанаҵо аинвестициатә программа аҳәаақәа ирҭагӡаны, Гагратәи актәи абжьаратә школ ҿыцны еиҭаҟарҵоит. Уажәы араҟа ажәытә хыбра рбганы арыцқьара иаҿуп. Ари аҭыҧ иаҭааит Аҧсны Аҧыза- министр Беслан Барцыци Нхыҵ- Кавказтәи ареспубликақәа русқәа рзы Урыстәылатәи аминистр Лев Кузнецови. Ашкол аргылара иақәхарџьхоит хышәи ҩажәи жәибыжь миллион мааҭ. Сынтәа инырхраны иҟоуп шәи ҩынҩажәа миллион мааҭ.

Урыстәыла иҟанаҵо афинанстә цхыраара абзоурала убасгьы еиҭашьақәыргылахоит Лыхны ақыҭантәи абжьаратә школ. Араҟа аусурақәа ирылагахьеит. Дара хыркәшахароуп ҩнызқьи зеижә шықәса рзы. Беслан Барцыци Лев Кузнецови ахыбра аиҭашьақәыргылара шымҩаҧысуа аилкааразы Лыхны иаҭааит. Урыстәылатәи аминистр дазҵаауан аусқәа рцашьа. Аиҭашьақәыргыларатә усурақәа рымҩаҧгаразы иарбан технологиоу ауасҭацәа рхы иадырхәо. Ашколқәа руадақәа шеиқәыршәахо. Иазгәеиҭеит,   аиҭашьақәыргыларатә усурақәа зегьы хаҭабзиара ҳаракыла ишымҩаҧгатәу. 

Анаҩс иаарласны ҩаҧхьа аиҭашьақәыргыларатә усурақәа рымҩаҧгара аҭахымхарц азы . Аҧсны аиҳабыра рхадеи Лев Кузнецови зеиҭашьақәыргылара иаҿу ашкол ауадақәа ирыҩналан ирбеит.Иазгәаҭатәуп, сынтәа имҩаҧгатәу аиҭашьақәыргыларатә усурақәа ишрықәхарџьхо хынҩажәа миллион мааҭ инарыцны. Лыхнытәи абжьаратә школ аҟны аусурақәа рцашьа ангәарҭа анаҩс, Лев Кузнецови Беслан Барцыци алацәажәеит Урыстәылатәи аинвестициатә программа Аҧсны анагӡашьа ишахәаҧшуа. 

Аҧсны Аҧыза- министр Беслан Барцыци Нхыҵ- Кавказтәи ареспубликақәа русқәа рзы Урыстәылатәи аминистр Лев Кузнецови убасгьы ирҭааны ирбеит аҳҭны қалақь аҿы зеиҭашьақәыргылара хыркәшахо ахыбрақәа. 

Д. Инаҧшьба, Алықьса Агәхаа,А Т

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Февраль 2018
101
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
99
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
16 Февраль 2018
111
Даҽа шәахтәк иалацәажәан Аҧсны аусдкылаҩцәа рассоциациа ахаҭарнакцәеи Жәлар реизара адепутатцәеи, аекономика аминистрреи, абизнес уааи злахәыз астол гьежь аҟны.
15 Февраль 2018
219
14 Февраль 2018
207
Загрузка плеера
Алаҳәарақәеи адныҳәаларақәеи
АГТРК