Аҟәатәи адәыҕба аихамҩатә вакзал.

24.07.2017
716

Аҧхын аамҭазы Аҧсныҟа аҧсшьаҩцәа аазго адәыҕбақәа русушьа шҧаҟоу? Насгьы, урҭ знысуа аихамҩа аҭагылазаашьа , атуристцәа ршәарҭадара ахьынӡахьчо, уҳәа азҵаарақәа жәпакы ирзааҭгылеит ҳкорреспондентцәа анаҩстәи ранҵамҭаҿы.

Иахьатәи аамҭазы Аҟәатәи адәыҕба аихамҩатә вакзал аҿы иааҭгылоит хә-хырхарҭак рыла иаауа адәыҕбақәа. Урҭ рахьтә акы Аҟәа -Самара сынтәа раҧхьаӡа акəны ауп амҩа шылнахыз. Адәыҕба ала Аҧсны иаҭаауа атуристцәагьы рхыҧхьаӡара маҷым, рҳәоит аихамҩатә вокзал аусзуҩцәа. Иҳәатәуп иара убас, ауааҧсыра рус арманашәаларазы Адлери - Гагреи афымца дәыҕба шрыбжьоу, иара мышкы ҩынтә иныҟәоит. 

Ареспубликатә -унитартә наплакы “Аҧсныадәыҕбаеихамҩа” анџьныр хада Леонид Ҟәыруа иҳәоит,уи зхы иазырхәо ауааҧсыра рхыҧхьаӡара шмаҷу, ари зыхҟьо ҳәа иазгәаҭаны ирымоу афымца дәыҕба зхы иазырхәо атуристцәа рхыҧхьаӡара ахьмаҷу ауп. Адәыҕба зықәныҟәо аихамҩа акəзар , аҭагылазаашьа бзиоуп , рҳәоит уи аусзуҩцәа. Аиҭашьақәыргалара ахьаҭахыз иҟаҵоуп, еиҧҟьарада адәыҕбақәа анысуеит. Аҧсны иаауа адәыҕбақәа рхыҧхьаӡара иацларц азы иҟаҵатәузеи ҳәа ҳанҵаа, адәыҕба еихамҩа Анџьныр хада Леонид Ҟәыруа иҳәеит, уи азҵаара дара рнапы ишаным.

Урыстәыла еиуеиҧшым ақалақь дуқәа рҟынтә адәыҕба аныҟәаразы ажәалагала анроуак ауп, уи ианахәаҧшуа ,- иҳәеит уи. Аҧхынра зегьы Аҟәатәи авакзал аҿы иааҭгылозар хә-дәыҕбак, аӡын иныҟәо адәыҕба Москва-Аҟәа мацара ауп. 

Адәыҕбақәа ртәы анаҳҳәа, урҭ ахьааҭгыло аҭыҧ хада атәы ҳҳәозар, араҟа макьаназ аиҭашьақәыргыларатә усурақәа мҩаҧгам. Уи ахаҿра убла аргәырҕьо иҟам, аха, егьа ус иаҟазаргьы, адәыҕба иазыҧшу атуристцәа раамҭа ахьырхырго ауада ыҟоуп, аус руеит акымкəа- ҩбамкəа акассақәа. Агәыҕра ыҟоуп, аҧхьаҟа Аҟәатәи аихамҩа авакзал иамаз ахаҿра ҩаҧхьа иазыхынҳәхап ҳәа.

Фатима Гьергьиаҧҳа, Беслан Џьынџьал, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
3
Уаҟа ахәаҧшцәа идырбан Фазиль Искандер иҩымҭала иқәыргылоу аспектакль «Ажьақәеи арқьымаҭқәеи ».
60
Аҭыжьымҭаҿы:Адепутатцәа ирыӡбеит апарламент аилатәарақәа ишиашоу ицо аефир ала дырбара.
30
Аҧсны аҵара аминистрра Аиааира 25 шықәса ахыҵреи ҳтәыла ахьыҧшымра азхаҵара аиужьҭеи 10 шықәса аҵреи инарымаданы, еиҿнакааз ашколхәыҷқәа рсахьаркыратә ҧхьара аконкурс.
146
Аҳəынҭстандарт аинспекторцәа – аилахәыра «Север-1 » иатәу афатә аалыҵқәа рышьҭаҵарҭа агәаҭарақәа ирыхрыжьит .
Алаҳәарақәеи адныҳәаларақәеи
АГТРК