Имҩаҧысит атәыла аҩныҵҟатәи аусқәа рминистрра аколлегиа инеиҵыхыз аилатәара.

25.07.2017
463

Имҩаҧысит атәыла аҩныҵҟатәи аусқәа рминистрра аколлегиа инеиҵыхыз аилатәара. Уи аҟны еихыршьаалеит ҳазну ашықәс фымзтәи русура алҵшәақәа.

Аколлегиа аусура далахәын Аҧсны Ахада Рауль Ҳаџьымба. Иара убас уахь ааҧхьара рыман Аҧсны ашәарҭадартә маҵзура аиҳабы Зураб Марганиа, Иреиҳаӡоу аусӡбарҭа ахантәаҩы ихаҭыҧуаҩ Омар Берулаа, атәыла апрокурор хада ихаҭыҧуаҩ Ешсоу Какалиа.

Ҳазну ашықәс фымзтәи русура азы ажәахәала дықәгылеит аминистрра аштаб хада аиҳабы Радион Базба. Уи иазгәеиҭеит, ҳазну ашықәс ашьауҕатә усқәа рхыҧхьаӡара еиҳа ишазҳаз ҵыҧхтәи ашықәсбжа иаҿҳарҧшуазар , сынтәа ҧшьынҩажәи ҧшьба шьауҕатә ус рыла ишеиҳау. Инаҵшьны иазгәеиҭеит, арҭ аусқәа еиҳарак ишхацыркыу Аҟәа ақалақьи Гагра араиони рҿы. Убри аан иҳәеит, Гәдоуҭеи Тҟәарчали араионқәа рҿы ацәгьоурақәа рхыҧхьаӡара еиҳа ишмаҷхаз. Инеизакны фымз рыҩныҵҟа жәиҧшь уаҩшьра аҭыҧ рыман. Убарҭ рахьтә акы аарҧшымкәа иаанхоит. Аколлегиаҿы ажәахәқәа ҟарҵеит аҩныҵҟатәи аусқәа рминистр ихаҭыҧуаа Беслан Ҧарулуа, Рауль Зыхәба. Рауль Зыхəба иқәгылараҿы иазгәеиҭеит, аусмҩаҧгатәқәа шеиҿкаау анаркотикатә маҭәашьарқәа рыларҵәара иаҿагыланы ақәҧаразы.

Иаарҧшуп анаркотикатә маҭәашьарқәа рылазырҵәоз агәыҧқәа быжьба. Урҭ аҭакҧхықәра рыдҵоуп. Ҿырҧштәыс иааигеит ҵыҧхтәи ашықәс азбжазы ҩынҩажәи жәаба грамм аметадон рымхызҭгьы , сынтәа хышә грамм рҿынӡа шрымхыу анаркотикатә маҭәашьарқәа рылазырҵәо. Аҩныҵҟатәи аусқәа рминистр актәи ихаҭыҧуаҩ иқәгылараҿы ҷыдала иазгәеиҭеит, ацәгьоуцәа атехника рхы ишадырхәо. Убри аҟнытә аҩныҵҟатәи аусқәа русбарҭа ҳаамҭазтәи техникала реиқәыршәара хымҧадатәны ишиҧхьаӡо. Абри азҵаара аганахь ала ацхыраара роуп ҳәа иақәгәыҕуеит ҿыц иаҧҵахо Аҧсныи Урыстәылеи ринформациатә координациатә центр аҟнытә.

Аҳәынҭавтоинспекциа аиҳабы Наур Смыр иқәгылараҿы иазгәеиҭеит, амҩадуқәа рҿы аҭагылазаашьа шыуадаҩыц ишаанхо. Фымз рыҩныҵҟа хынҩажәи жәаба рҿынӡа амашәыртә хҭысқәа аыҧ рыман. Уи иахҟьаны ҩажәи- жәҩык ауааҧсыра рыҧсҭазаара иалҵит, шәи жәаҩык ахәрақәа роуит. Аҭагылазаашьа иҵегьы еицәахон амҩадуқәа рҿы авидеохлаҧшыгақәа ықәгыламзар. Ари аус ҳаҧхьаҟа иацҵатәуп, иҳәеит Наур Смыр. Аекономикатә цәгьоурақәа раҧырҟәҟәааразы аусбарҭа аҟәша аусура ҧсыҽуп, ҳәа азгәеиҭеит аҩныҵҟатәи аусқәа рминистр Аслан Кобахьиа . Ауоллегиа аилтәараҿы иазгәаҭан, ашәҟәы иҭагалам абџьар шакәу ацәгьоуцәа рхы иадырхәо. Ари азҵаара аганахьала аусура рҕәҕәамзар ада ҧсыхәа ама, ҳәа азгәарҭеит иқәгылоз зегьы. Апаспорт визатә ҟәша аиҳабы Едуард Манаргиа иқәгылараҿы иазгәеиҭеит, ауааҧсыра рнапаҿы ишрыҭоу апаспорт ҿыцқәа ҩажәа нызқь рҿынӡа. Убри аан х- нызқь тәылауаҩ шәҟәы рҿынӡа илҩаан ишьҭоуп, аха уи зтәу агара ишахымццакуа. Анхаразы азин шәҟәы акәзар, ари аус аҩныҵҟатәи аусқәа рминистр Аслан Кобахьиа игәаанагарала иҧсыҽны еиҿкаауп . Иахьа уажәраанӡа ҩажәи хҩы заҵәык роуп изырҭахьоу. Зынӡа рыҭаразы аус адулара иаҿуп хышәи ҩынҩажәи фба.

Аколлегиа аилатәараҿы дықәгылеит Аҳәынҭқарра Ахада Рауль Ҳаџьымба, ахәшьара ҳаракы аиҭеит ииуль жәеиза рзы Гдоуҭа араион аҿы аҭыҧ змаз ацәгьоура аарҧшра. Иҭабуп ҳәа реиҳәеит ҳәоуеиқәшәала, аамҭа кьаҿк иалагӡаны уи алзыршаз азинхьчаратә усбарҭақәа русзуҩцәа. Аколлегиа аилатәара хыркәшауа , Аҩныҵҟатәи аусқәа рминистр Аслан Кобахьиа арезолиуциа даҧхьеит, ашықәс нҵәаанаӡа аҟәшақәа рнапхгаҩцәа рҿаҧхьа иқәгылоу адҵақәа зегьы знырҧшу. 

И. Арышҧҳа, Б. Џьынџьал , АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Февраль 2018
176
14 Февраль 2018
177
14 Февраль 2018
155
Ари аҽны арҧыси аҧҳәызбеи еимырдоит рыбзиабара зырҵабыргуа аҳамҭақәа.
14 Февраль 2018
129
Аспектакль « Хә-хәылҧазык » афестиваль аҳамҭа ҷыда иаҧсахеит.
14 Февраль 2018
193
Сынтәа - атәанчаҩцәа ҩынтәны ашәҟәы рыҽҭаргалароуп - ашықәс алагамҭеи уи анҵәамҭеи рзы.
14 Февраль 2018
148
Иара уи ишазыхиоу, насгьы иаланхо ауааҧсыра рҿаҧхьа усӡбатәқәас иқәгылоу ртәы еилыркаауан ҳкорреспондентцәа.
13 Февраль 2018
107
Загрузка плеера
Алаҳәарақәеи адныҳәаларақәеи
АГТРК