Апрограмма “апатриот қәыҧш” аҳәаақәа ирҭагӡаныОчамчыратәи ашкол- интернат аҟны иаартуп «Кьараз» захьӡу жәларбжьаратәи ахәыҷтәы лагер.

25.07.2017
875

Апрограмма “апатриот қәыҧш” аҳәаақәа ирҭагӡаны Очамчыратәи ашкол- интернат аҟны иаартуп «Кьараз» захьӡу жәларбжьаратәи ахәыҷтәы лагер. Уаҟа рыҧсы ршьоит ашколтә қәра иаҵанакуа шә-ҩык ахәыҷқәа.

Урҭ рахьтә ҩынҩажәи жәаҩык Чечентәылатәи ареспублика аҟынтә иааит. «Кьараз» захьӡу апатриоттә лагер Очамчыра амҩаҧгара ахарџьқәа    реиҳарак ахахьы иагеит аҧгаҧсеи аџьахьчареи рзы аҳәынҭқарратә фонд , алагер адгылара арҭеит атәылахьчареи аҵареи рминистррақәа. Иааидкыланы араҟа рыҧсы ршьоит шәҩык рҟынӡа ахәыҷқәа. 

Алагер аиҿкаара хықәкы хадас иамоуп ахәыҷқәа апатриотизм рылааӡара, иара убасгьы аиҩызара рыбжьаҵара . Алагер аҳәаақәа акыр иҭбаауп . Ашколхәыҷқәа ара рыҟазаара иалагӡаны иддырбо рацәоуп.Мышкы ҩынтә амшын ахь иргоит, иахысуеит агәабзиарашьақәыргыларатә бҩарҵәыра, арратә ҽазыҟаҵара, имҩаҧысуеит атематикатә хәылҧазқәа. 

Алагер аҳәаақәа ирҭагӡаны араҟа зыҧсы зшьо ахәыҷқәа рҭаауеит ҳреспублика аҭыҧ ҧшӡарақәа, амузеиқәа, аҭоурыхтә баҟақәа. Дара ҳанрыҿцәажәоз ирҳәон, ҩаҧхьа арахь ааразы агәаҳәара шрымоу. Алагер аҿы иҟоу ахәыҷқәа ргәабзиара дахылаҧшуеит уахгьы- ҽынгьы араҟа иҷаҧшьо аҳақьым. Ахәыҷқәа мышкы иалагӡаны хәынтә акрырҿарҵоит. Алагер аҟны азҿлымҳара ҷыда арҭоит аҧсуа ҵасқәеи ақьабзқәеи ахәыҷқәа дырҵара. Уи адагьы араҟа дыҟоуп аҧсшәа ахәыҷқәа идзырҵогьы. 

Алагер « Кьараз» аусура хнаркəшоит август ҧшьба рзы. Анаҩс амза ааба рзы, араҟа ҩаҧхьа алагер аатуеит. Уахь иаараны иҟоуп Аахыҵ- Уаҧстәылеи Ҟарачы- Черкесски рҟынтәи ашколхәыҷқәа.

 А. Корсаиа, А Маланиа ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
12
Иара Аҧсны амилаҭтә олимпиатә еилакы аҿы  адныҳәаларақәа идикылон
15
Убри инамаданы имҩаҧган афонд ахаҭарнакцәа злахәыз апресс-конференциа.
24
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК