Ареспубликаҿы амч аиуит «Иакыу абилеҭ» захьӡу апроект.

25.07.2017
724

Аҧсны аиҳабыра реилазаара атранспорттә усбарҭеи, Урыстәыла атранспорт аминистрреи ирыбжьарҵаз аиқәшаҳаҭра абзоурала, ареспубликаҿы амч аиуит «Иакыу абилеҭ» захьӡу апроект.

Адунеи аҳәынҭқаррақәа зегь рҟны иаку абилеҭ ахархәара азууп аҧсшьаҩцәа рныҟәара арманшәаларазы. Ари аус Аҧсны иаҧшьгоуп раҧхьаӡа акәны. Ареспублика аиҳабыра реилазаара атранспорттә усбарҭа анапхгаҩы, аибашьра аветеран , Ростовтәи автотранспорттә ҵараиурҭа аушьҭымҭа Рабестан Габлиа иҳәеит, апроект аус шеицадырулоз Урыстәылатәи рколлегацәеи дареи. Уи азы изныкымкәа аиҧыларақәа мҩаҧган. Дара ирлыҵшәаны иалыршахеит ари апроект Аҧсны аларҵәара. Аҧсны атуристцәа рзы иакыу абилеҭ змоу атранспорт иақәтәарц рылшоит ареспублика еиуеиҧшым ақалақьқәа рҟны.

Иахьа раҧхьаӡа акәны Шәачантәи Гаграҟа иааит иакыу абилеҭ змаз атуристцәа. Дара ҳанрацәажәоз ирҳәеит, ари аус арахь раара акыр ишарманшәало. Убри анаҩсгьы, иакыу абилеҭ змоу мҩанызго автомашьынақәа Аҧсныи Урыстәылеи рҳәаа аҟны иаарласны даҽа мҩак ала иоурыжьуеит.

Рабесҭан Габлиа иажәақәа рыла, иакыу абилеҭ ала атуристцәеи аҧсшьаҩцәеи мҩанызго автомашьынақәа ҩынҩажәи жәаба процент Урыстәылаа иртәуп, даҽа ҩынҩажәи жәаба процент Аҧснытәи амашьынақәа роуп.

Иҳәатәуп, ари аус аҳәынҭқарратәқәа рыдагьы ахатәы машьынақәа змоу рҽаладырхәырц шрылшо , уи азы иахәҭоу ашәҟәқәа анеиқәдыршәалак ашьҭахь. Иакыу абилеҭ апроект убасгьы иалахәуп амобилтә еимадара « А- мобаил». 

 Аҧсшьаҩцәеи атуристцәеи ирҭахызар заа ирылшоит аелектронтә билеҭ аахәара. Рабесҭан Габлиа убасгьы иҳәеит, уажә ҿыц иалагалоу апроект аҳәаақәа ҳаҧхьаҟа рырҭбаара хықәкыс ишрымоу. 

Д. Инаҧшьба, А. Агәхаа. АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ишҧеиҿкааз ари аҧсшьаратә сезон азы Риҵатəи амилаҭтə ҳәырҧсарра аусура?
5
Иара еиднакылеит аиҳабыратә абиҧарақәа ирыҵаркуа апоетцәа реиҧш, аҿарацәа ражәеинраалақәагьы.
21
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
13
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
Алаҳәарақәеи адныҳәаларақәеи
АГТРК