«Владислав - иацы , иахьа, уаҵәы»

25.07.2017
854

«Владислав - иацы , иахьа, уаҵәы»-   абас  захьӡу  Аҧсны актәи  ахада  Владислав  Арӡынба  изкыу   ацикл  дырбан,  Аҧсадгьыл ахь  архынҳәразы  аҳәынҭқарратә  еилакы  ахыбраҿы имҩаҧысыз аиҧылараҿы .
Агәаларшәаратә  хәылҧазы  иалахәын Аҧсны Ахада  иабжьгаҩ  Владимир  Занҭариа ,   ауаажәларратә усзуҩцәа , ҳџьынџьуаа .

Ҳаамҭазтәи аҧсуа   ҳәынҭқарра  аргылараҿы зегь  реиҳа ихадоу   ароль ааникылоит    ажәлар  раҧхьагылаҩ . Владислав  Арӡынба  изукша ажәа ҵыхәаҧҵәара амам , иаартым  атемақәа рацәоуп .

Аиҧылараҿы , Владислав  Арӡынба  изкыу авидеоанҵамҭа  азирхиеит  усҟантәи  аамҭазы   аҳәынҭқарра актәи  Ахада ипресс –маӡаныҟәгаҩыс  иҟаз ,  ажурналист Руслан  Ҳашыг . Анҵамҭаҿы  хронологиала еишьҭаргыланы  иаагоуп  адокументтә  ҟазшьа  змоу  асахьақәа . Урҭ рызкыуп  Аҧсны  аџьынџьтәылатә  еибашьра  алагамҭаз Ҭырқәтәылатәи  ҳџьынџьуаа данырҭааз  инаркны  иҧсҭазаара  даналҵыз аҽнынӡа дызнысыз имҩа  .

Ахӡыргара  иашьҭамыз   Владислав  Арӡынба , бзиа ибаӡомызт иара изкыу , аофициалтә  ҟазшьа  змоу  асахьақәа инарҷыданы , егьырҭ  ажәлар рахь ацәыргара . Авидеоанҵамҭа  еизызкыз иҳәеит , араҟа  иааго  акадрқәа ишрыло , 1992  шықәсатәи аҭыхрақәа , урҭ жәаха шықәса Владислав    Григори- иҧа   аҩны  иҵәахны ишимаз . Анаҩсан , 2004 шықәсазы  Владислав  Арӡынба  иҧшәма  ҧҳәыс  Руслан Ҳашыг инапы ишалыркыз .  Анаҩс    еиҿырҧшрак  аҳасабала иазгәеиҭеит:

«Владислав –иацы , иахьа , уаҵәы»  ацикл  аиҿкааҩ Гәыгәыца Џьыкырҧҳа илҳәеит , Владислав Арӡынба ихьӡ  амырӡра хықәкыс  измоу аиҧыларақәа  ишрыцҵахо  сентиабр мзазы  Аҳәынҭқарратә  филармониаҿы .                                                                                                    




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Алаҳәарақәеи адныҳәаларақәеи
АГТРК