Имҩаҧысит Аҧсны Жәлар Реизара асессиа изаамҭанытәу аилатәара.

26.07.2017
363

Имҩаҧысит Аҧсны Жәлар Реизара асессиа изаамҭанытәу аилатәара. Адепутатцәа алацәажәаны аратификациа азыруит Аҧсныи Урыстәылеи аҩныҵҟатәи аусқәа рминистррақәа еицырзеиҧшу аинформациа– координациатә центр аиҿкааразы Аиқәшаҳаҭра. 

Амшхәаҧштә аҿы иқәгылан иара убас егьырҭ азҵаарақәагьы . Аҧсни Урыстәылеи Аҩныҵҟатҽи аусқәа рминистррақәа рыбжьара аинформациа –координациатә центр аҧҵаразы Аиқәшаҳаҭра анапы аҵаҩын 2017 шықәса лаҵарамза 18 рзы. Убри анаҩс иара атекст аҧсахрақәа алагалан. 

Аиқәшаҳаҭра аҵыхәтәантәи апроект адепутатцәа ирыдигалеит Аҧыза –министр ихаҭыҧуаҩ ,Аҩныҵҟатәи аусқәа рминистр Аслан Кобахьиа . Аинформациа –координациатә центр аусура аиҿкааразы ргәаанагарақәа рҳәеит адепутатцәа .

Рауль Лолуа иазгәеиҭеит , Аиқәышаҭаҭра уажәтәи авариант азы абжьыҭара дшазыхиам . Анаҩс , Аинформациа –координациатә центр аиҿкааразы имҩаҧган маӡалатәи абжьыҭара . Уи иабзоураны еилкаахеит ҩажәи-хҩык адепутатцәа Аиқәышаҭаҳра адгылара шарҭаз , жәҩык мап ацәыркит , ҩыџьа рҽааныркылеит. 

Абасала ,  Аиқәшаҳаҭра аратификациа азыруит апарламент аҟны .

Адепутатцәа иара убасгьы Аҧсны инхо Урыстәыла атәылауаа хазы игоу ркатегориақәа ахәшәқәеи , амедицинатә лыхымҭақәеи рыла реиқәыршәаразы Аҧсныи Урыстәылеи ирыбжьоу Аиқәшаҳаҭра аратификациазы азакуан рыдыркылеит.

Агәабзиарахьчара аминистр Ҭамаз Ҵахнакьиа иажәақәа рыла , ари Аиқәшаҳаҭра аҳәаақәа ирҭагӡаны быжьнызқьҩык рҟынӡа ргәабзиара аиҭашьақәыргылара иақәхарџьхоит ҩынҩажәи жәаба миллион мааҭ инарзынаҧшуа . Ари аҧара аужьхоит Урыстәыла ҳреспублика иазыҟанаҵо афинанстә цхыраара ахыҧхьаӡара аҟнытә. Адепутат Аслан Бжьаниа иазгәеиҭеит , агәабзиарахьчара аминистрра уажәраанӡагьы аинвалидцәа рсиа шьақәыргыланы ашәҟәы рҭагалара шахәҭаз. 

Асессиа аилатәараҿы убасгьы иаҧҵан апарламентбжьаратә комиссиақәа Урыстәыла Аҳәынҭқарратә Думеи , Афедералтә Еизареи аус рыцуразы .

Адепутатцәа иара убасгьы ақәҵара рыдыркылеит Урыстәыла Аладатәи апарламенттә ассоциациа ашҟа Аҧсны Жәлар Реизара ахаҭарнакцәа ралаҵаразы . Апарламент ақәҵарала Игор Зарандиа дҟаҵоуп Аҧсны абжьаҟазаратә ӡбарҭа ахантәаҩы лхаҭыҧуаҩыс.

 Дениза Гьергьиаҧҳа , Ҭемыр Гогохьиа ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Февраль 2018
153
14 Февраль 2018
164
14 Февраль 2018
141
Ари аҽны арҧыси аҧҳәызбеи еимырдоит рыбзиабара зырҵабыргуа аҳамҭақәа.
14 Февраль 2018
121
Аспектакль « Хә-хәылҧазык » афестиваль аҳамҭа ҷыда иаҧсахеит.
14 Февраль 2018
183
Сынтәа - атәанчаҩцәа ҩынтәны ашәҟәы рыҽҭаргалароуп - ашықәс алагамҭеи уи анҵәамҭеи рзы.
14 Февраль 2018
136
Иара уи ишазыхиоу, насгьы иаланхо ауааҧсыра рҿаҧхьа усӡбатәқәас иқәгылоу ртәы еилыркаауан ҳкорреспондентцәа.
13 Февраль 2018
101
Загрузка плеера
Алаҳәарақәеи адныҳәаларақәеи
АГТРК