Аҧсуа профессионалтә ҟазара ҳаамҭазы иацу ауадаҩрақәа ирылацəажəеит "Астол гьежь" аҟны.

26.07.2017
712

Дырмит Гәлиа иҩны-амузеи аҿы лассы-лассы еизалоит  аҟазареи алитературеи знапы рылакыу   ауаа.   Дара рылацәажәоит Аҧсны акультуреи   адоуҳаи   ицәырырго азҵаарақәа.  Уажәтәи  аиҧылара  азкын аҧсуа профессионалтә  ҟазара  ҳаамҭазы иацу ауадаҩрақәа.

Аҧхьатәи азҵаарақәа азкын амузыкатә ҟазара. Аилацәажәара иалахәыз аҳәынҭқарратә хортә капелла анапхгаҩы Нодар  Ҷанба иазгәеиҭеит, Аҧсны иҟоу еиуеиҧшым амузыкатә коллективқәа рыбжьара аимадара шрыбжьам. Иара мызқәак роуп иҵуа амузыка ахырхарҭала ахортә капелла наҧхгара аиҭоижьҭеи, аха уажәнатә, еиликааауеит ари апроблема аҽарҕәҕәар шалшо. Иара убасгьы ҳаамҭазы  Аҧсны амузыка иадҳәалоу апроблемақәа ртәы дазааҭгылеит.

Аилацәажәараҿы иазааҭгылеит, телехәаҧшрала,  аопереи асимфониеи ирызкны аҧсуа бызшәала   адырраҭарақәа рциклқәа аҟаҵара шалыршатәу. Уи иаразнак акультуратә ҧсҭазаара ианымҧшыр залшом, -  иҳәеит Аҧсны ахада иабжьгаҩ Владимир Занҭариа. Иара убасгьы иазгәаҭан,  алитература аганахь алагьы иҩуа аҿар рацәахо ишалагаз. Урҭ рацәаҩны иахьцәырҵуа  угәы иахәартә иҟоуп, -  ҳәа азгәеиҭеит  Аҳынҭқарра Ахада  иабжьгаҩ.

“Астол гьежь” аҿы иазааҭгылан, аҳәынҭқарраҿы акультура ҭыҧс иаанакыло. Хаҭала атеатрқәеи ацәыргақәҵақәеи ртәы ҳҳәозар,  урҭ ирҭаауа ахәаҧшцәа рахьтә  иныҟәарц  роуп иныҟәо, ҳәа азгәаҭан аилацәажәараҿы. Убри аан   иалкаан,  атеатрқәеи ацәыргақәҵақәеи аҿиара амҩа ишану, аха иҵегь ауаа аҟазара   радыҧхьаларазы акультуратә усмҩаҧгатәқәа иаҳа ацклаҧшра аҭара шаҭаху.

Наала Чхьынџьериаҧҳа, Леон Адлеиба, АТ.






Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
5
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
3
Ари ашықәсазы аицлабраҿы иқәыргылан аноминациақәа ааба.
45
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК