Акарпыжə.

28.07.2017
814

Анхацәа ааҧын иларҵаз акарпыжә уажәы аҭагалара иаҿуп. Иара аҭира аус аҟны уадаҩрас ирызцәырҵуазеи иаазрыхуа?

Ақыҭақәа рҿы анхацәа рнапы рылакыуп еиуеиҧшым рхы зланыҟәыргаша ауҭраҭых , ашәыр , араса уҳәа рааӡара . Аҧхынтәи аамҭазы амҽхак ҭбаауп акарпыжәааӡара . Сынтәа иҟаз амшцәгьақәа ирыхҟьаны , хынтә-ҧшьынтә илазҵазгьы маҷҩым . Акарпыжәааӡара иацыз ауадаҩрақәа ириааины , аџьармыкьаҿы ицәырыргеит ари аалыҵ. Ақыҭанхамҩа аминистр Даур Ҭарба иажәақәа рыла , зынӡа Аҧсны 440 гектар иахьаҵанакуа адгьыл аҿы акарпыжә рааӡоит. Макьана аџьармыкьақәа рҟны ирҭиуа аҭыҧантәи акарпыжә рацәам ,аҽаҩра аҭагалара иахьаламгац иахҟьаны.

Анхацәа рџьабаа амырӡра иазкны ақыҭанхамҩа аминистрраҿы имҩаҧган аилацәажәара. Еиуеиҧшыи аҭыҧқәа рҿы , ирҭиуа акарпыжә ахәқәагьы еиҧшӡам . Џьара кьылак иаҧсоуп жәаа мааҭ, даҽаџьара ҩажәи жәаба . Ақыҭанхамҩа аминистр иажәақәа рыла, Аҟәатәи аџьармыкьаҿы ирҭиуа акарпыжә ахә хылаҧшра азыруеит.. Аҟәатәи аџьармыкьаҿы акарпыжә зҭиуа ражәақәа рыла , макьана уадаҩра рымаӡам. Изҭиуа рахьынтә иҟоуп зхатә џьабаала иаазрыхыз реиҧш , иаахәан еиҭазҭиуагьы. Амала аҭицәа ражәақәа рыла , Урыстәылатәи иааго акырпыжә еиҳа иргоит, аҭыҧантәиқәа раасҭа .

Аҧсуа нхаҩы иџьабаа еснагь пату ақәын . Аха мышқәак раҧхьа, Ҧақәашь ақыҭан иҟалаз ахҭыс , анхаҩы иџьабаа иаҕрагылеит ауп иаанаго . Зхатә џьабаала ихандеиуаз Ҧақәашьтәи анхаҩы , тоннак инеиҳаны икарпыжә ӡаны иргеит , иаанхаз аҧхасҭа арҭеит . Егьа уадаҩра ацзаргьы , акарпыжә аазрыхыз анхаҩцәа рџьабаа мыӡыртә аҭагылазаашьа рзаҧҵахоит, ҳәа агәыҕра ҳаиҭеит ақыҭанхамҩа аминистр.

 Дениза Гьергьиа-ҧҳа , Беслан Џьынџьал , Михаил Братухин,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
23
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
25
Уи абзоуроуп аилахәыра «Аҟәафон » иҟанаҵаз афинанстә цхыраара .
27
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
41
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
Алаҳәарақәеи адныҳәаларақәеи
АГТРК