Ҳтәылаҿы имҩаҧысуеит ашахмат ахәмарразы жәларбжьаратәи афестиваль «Абхазиа Опен- 2017»

02.08.2017
327

Ҳтәылаҿы имҩаҧысуа ашахмат ахәмарразы  жәларбжьаратәи афестиваль «Абхазиа Опен- 2017» аҳәаақәа ирҭагӡаны ҳтәыла ақалақьқәа ҧшьба рҿы еишьҭаргыланы атурнирқәа мҩаҧысуеит. Гәдоҭеи, Очамчыреи аицлабрақәа хдыркәшахьеит. Ашахматқәа рзы атурнир иацҵо аҳҭнықалақь аҿы иаартын аицлабрақәа. Урҭ еиҿнакааит Аҧсны ашахматқәа  Рфедерациа, абҩарҵәыреи аспорти  рзы Аҳәынҭқарратә  еилаки, Аҟәа ақалақь ахадареи рыцхыраарала.

Ашахмат асразы жәларбжьаратәи аицлабрақәа ҳтәылаҿы имҩаҧысуеижьҭеи абар сынтәа жәиҧшь шықәса ҵуеит. Есышықәса арҭ аицлабрақәа зҽрылазырхәуа рхыҧхьаӡара   иазҳауеит. Иахьа атурнир аартуа, Ашахматқәа рфедерациа аиҳабы,  Константин Ҭыжәба иҭабуп ҳәа реиҳәеит арҭ аицлабрақәа реиҿкаара алзыршаз зегьы, иара убас аиндаҭларақәа заҧхьа ишьҭоу алахәылацәа зегь ақәҿиарақәа рзеиҕьишьеит. Аҳҭнықалақь аҿы ихацыркыз, ашахмат асразы Жәиҧшьтәи жәларбжьаратәи атурнир «Сухум Опен ҩнызқьи жәибжь»  рхы аладырхәуеит шәҩык инареиҳаны  ашахмат асыҩцәа. Урҭ рхыҧхьаӡараҿы иҟоуп аҭыҧантәи ахәмарҩцәа реиҧш ҳтәыла анҭыҵнтәи иаазгьы.

Ари атурнир аҳәаақәа ирҭагӡаны аицлабрақәа   рыҽрыладырхәыртә аҭагылазаашьа рымоуп ахәыҷы инаиркны аду иҟынӡа агәаҳәара змоу зегьы.

Ашахматтә хәмаррақәа рыҩаӡара ҳаракны рымҩаҧгаразы иахәҭоу аҭагылазаашьақәа зегьы аҧҵоуп. Ашахматқәа жәларбжьаратәи рфестиваль  мҩаҧысуеит швеицариатәи асистема инақәыршәаны. Ахәмаррақәа шьақәгылоуп жә –турк рыла. Атурнир аҧхьахәтә фонд иартәоит 150 нызқь мааҭ.
Сынтәатәи атурнир иалахәу рхыҧхьаӡараҿы иҟоуп уаанӡагьы ҳтәылаҿы имҩаҧысхьаз аицлабрақәа зыҽрылазырхәхьазгьы.

Аҳҭнықалақь аҿы иаарту ашахматқәа ртурнир мҩаҧыслоит нанҳәа жәабанӡа.

Амра Зарандиаҧҳа,  Беслан Џьынџьал АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Ианвар 2018
10
16 Ианвар 2018
10
Уи иахҟьаны иҧсҭазаара далҵит Узбекистан атәылауаҩ.
16 Ианвар 2018
13
Аиубилиар имшира идиныҳəалеит Аҳәынқарра ахада Рауль Ҳаџьымба.
16 Ианвар 2018
14
Аизараҿ дықәгылеит Аҧсны Ахада Рауль Ҳаџьымба.
12 Ианвар 2018
27
12 Ианвар 2018
49
Урҭ раҧырҟəҟəааразы Гудоуҭа араион аҟны арахə агəыр рыларҵоит.
12 Ианвар 2018
19
Аҧсны анаукақәа р-Академиаҿы аҵарауаҩ ииубилеи идырныҳәаларц еизеит иколлегацәа.
Загрузка плеера
Алаҳәарақәеи адныҳәаларақәеи
АГТРК