Приморское ақыҭан иҟалаз атҟәацра иахҟьаны, рыҧсҭазаара иалҵит Урыстәылантәи ҧсшьараҳәа иааны иҟаз ҩыџьа аҧсшьаҩцәа.

03.08.2017
374

Излеилкаахаз ала Приморское ақыҭан  иҟалаз атҟәацра  иахҟьаны,  рыҧсҭазаара иалҵит Урыстәылантәи ҧсшьараҳәа иааны иҟаз ҩыџьа аҧсшьаҩцәа.

Иацы ахәылбыҽха адырра ҟаҵан  рхабар шыҟам  х-ҩык аҧсшьаҩцәа, аха аџьаҧҳаны аҭҟәацра иахьаҿыз аҭыҧқәа рҿы аҧшаарақәа рымҩаҧгара залмыршахеит.Убри инамаданы, аҭагылазаашьа ҷыдақәа  рзы аусбарҭа амашәыр ахьыҟалаз аҭыҧаҿы имҩаҧнагаз   аҧшаарақәа ирлыҵшәаны,  зыҧсы еиқәхаз,аха ахәрақәа зауыз  аҧсшьаҩ ҧҳәыси  илыцыз    зыҧсҭазаара   иалҵыз даҽа   ҩыџьа аҧсшьаҩцәеи   ҧшаан. Ахәрақәа зауз аҧҳәыс амедицинатә цхыраара лыҭаразы   иаразнак   ареспубликатә хәышәтәырҭахь дааган. Егьырҭ ҩыџьа  зыҧсҭазаара иалҵыз аҧсшьаҩцәа  Аҟәатәи аморг ахь иааргеит.

Зыҧсҭазаара иалҵыз аҧсшьаҩцәа  рхаҭара шьақәыргылоуп:  Урҭ Санкт-Петербургнтәи иааз  зқьи жәшәи  хынҩажәи  жәаба шықәса  рзы  ииз Елена Полиаковеи  зқьи жәшәи   хынҩажәи ҩба   шықәа  рзы ииз  Елена Тимофеевеи роуп. Излеилкаахаз ала,  дара амашәыр ахьыҟалаз иацәыхарамкәа рыҧсы ршьон, ҽыла  иныҟәыргон. Аҧсшьаҩцәа, ҩыџьа ироуз  ааха   иахҟьаны рыҧсҭазаара иалҵит, ахҧатәи  - Подольскынтәи  иааны иҟаз зқьи жәшәи   ҩынҩажәи хәба   шықәса рзы  ииз Елена Дмитриева  ахәрақәа шлымаз, иаашаанӡа абнаҿ даанхеит.

Аџьаҧҳаныҵәахырҭаҿы иҟалаз аҧжәара иахҟьаны,  иааидкылан,  ахәра зауз ауааҧсыра рхыҧхьаӡара хынҩажәи  - ҧшьҩык ҩык рҟынӡа инаӡоит. Дара зегьы ҳтәыла  еиуеиҧшым   ахәышәтәырҭақәа рахь инаган,  изыхәҭоу ацхыраара рыҭаразы.   Макьаназы   ахәышәтәырҭақәа рҿы иаанхоит     жәаф -  ҩык,
Аҧсны агәабзиарахьчара аминистр Ҭамаз Ҵахнакьиа иажәақәа рыла,  амашәыр иахҟьаны ахәрақәа зауз  ареспубликатә хәышәтәырҭахь иааргаз ауааҧсыра рхыҧхьаӡара жәибыжь - ҩык ыҟоуп. Урҭ рахьтә ааҩык ахәышәтәырҭаҿы  ишьҭоуп,  егьырҭ раҧхьатәи ацхыраара рыҭан иоушьҭын.

Зегь реиҳа  ахәра зауз ауааҧсыра Гәдоҭатәи ахәышәтәырҭахь инаган. Урҭ  рхыҧхьаӡара ҩынҩажәи ҧшьҩык  рҟынӡа инаӡоит. Ахәрақәа зауз  рхыҧхьаӡараҿы иҟоуп х-ҩык ахәыҷқәагьы.Ҭамаз Ҵахнакьиа иазгәеиҭеит, ахәрақәа зманы ахәышәтәырҭахь иаагаз ауааҧсыра изыхәҭоу амедицинатә цхыраара рыҭаразы аҭагылазаашьақәа зегьы шаҧҵоу,  иаҭаху ахәшәқәа зегь рыла ишеиқәшәоу. Иара убас иҳәан ,ахәрақәа зауз ауааҧсыра апсихологцәа аус шрыдыруло. Иаиидкыланы,  ахәышәтәырҭаҿы ишьҭоу ауааҧсыра   еиуеиҧшым  ахәрақәа рымоуп,  урҭ ргәабзиара     уи  аҟара  ашәарҭа  иҭагылам,   ҳәа азгәеиҭеит   агәабзиарахьчара  аминистр.

Амра Зарандиаҧҳа, Беслан Џьынџьал, АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
65
17 Ианвар 2018
65
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
59
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
57
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
47
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
66
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
94
Загрузка плеера
Алаҳәарақәеи адныҳәаларақәеи
АГТРК