Аҧсны Ахада Рауль Ҳаџьымба имҩаҧигеит аилатәара , Аҧсны атәылахьчара аминистрра аџьаҧҳаныҵәахырҭаҿы иҟалаз аҧжәара иазкны.

03.08.2017
1191

Аҧсны Ахада Рауль Ҳаџьымба имҩаҧигеит аилатәара , Аҧсны атәылахьчара аминистрра аџьаҧҳаныҵәахырҭаҿы иҟалаз аҧжәара иазкны.

Зегь раҧхьаӡа иргыланы Аҧсны Ахада Рауль Ҳаџьымба иҭабуп реиҳәеит зхы иамеигӡакәа аҧжәарақәа ахьцоз аҭыҧ аҿы аус зуаз аусбарҭақәа рхаҭарнакцәа, Аҧсны Ахада адҵа ҟаиҵеит , иҟалаз амашәыр зыхҟьаз аилкааразы . Аус инарҵауланы иҭҵаатәуп, хаҭала сара хылаҧшра асҭалоит аҭҵаарақәа рымҩаҧысшьа,- иҳәеит Рауль Ҳаџьымба.

Аҧсны Ахада Рауль Ҳаџьымба иара убасгьы иазгәеиҭеит , аџьаҧҳаныҵәахырҭа ахыбра ахьгылаз аҭыҧ , ииашамкәа ишалхыз атәы . Ас еиҧш иҟоу аобиектқәа рааигәа-сигәа , анхарҭа ҭыҧқәа ыҟамзароуп, - иҳәеит атәыла Ахада. 

Аҧыза –министр Беслан Барцыц иазгәеиҭеит, ахҭыс ахьыҟалаз аҭыҧ акәша –мыкәша зыҧсо зшьоз атуристцәа зегьы Гәдоуҭатәи аҧсшьарҭаҩнахьы ишиагоу . Урҭ рахьынтә аӡәгьы иҧсшьармшқәа нҵәаанӡа Аҧсны далҵны ацара игәы иҭам, - иҳәеит уи.

Аҩныҵҟатәи аусқәа рминстр Аслан Кобахьиа аҳәара ҟаиҵеит , Аҧсны ауааҧсыра ахҭыс ахьыҟалаз аҭыҧ ахь имнеиразы, макьана излашәарҭоу ала. Атәылахьчара аминстрра иаҧнаҵеит акомиссиа . Ицоит аусмҩаҧгатәқәа, аҭыҧ акәша –мыкәша иҭҟәацымкәа иаанхаз рыҧшааразы.

Аҧсны Ахада Рауль Ҳаџьымба , ааха зауз ауааҧсыра зегьы ацхыраара рыҭахоит, иҳәеит Аҳәынҭқарра Ахада аилатәараҿы. Иазгәаҭатәуп , аџьаҧҳаныҵәахырҭаҿы аҭҟәацра аныҟалаз аамҭазы , ааигәа – сигәа зыҧсы зшьоз аҧсшьаҩцәа рхыҧхьаӡара ҩышә-ҩык рҟынӡа ишынаӡоз. Аха ауааҧсыра иаадырҧшыз агәаҕьра ҕәҕәа иабзоураны , аҧсшьаҩцәа зегьы иахьшәарҭамыз аҭыҧ рахь ииаргеит. Убри иабзоураны , аҧсыҭбарақәа рхыҧхьаӡара акырӡа имаҷхеит . 

Дениза Гьергьиаҧҳа , Беслан Џьынџьал ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
При выполнении скрипта возникла ошибка. Включить расширенный вывод ошибок можно в файле настроек .settings.php