Иҟалаз аҭҟәацра инамаданы, Аҧсны Ахада Рауль Ҳаџьымба иусҧҟала иаҧҵоуп аҳәынҭқарратә комиссиа, Аҧыза- министр Беслан Барцыц ихантәаҩрала.

03.08.2017
568

Приморск ақыҭан атәылахьчара аминистрра аџьаҧҳаны аҵәахырҭаҿы иҟалаз аҭҟәацра инамаданы , Аҧсны Ахада Рауль Ҳаџьымба иусҧҟала иаҧҵоуп аҳәынҭқарратә комиссиа, Аҧыза- министр Беслан Барцыц ихантәаҩрала.

Уи аҿаҧхьа дҵаны иқәгылоуп аҧхасҭа зауз аҩнқәа рыҧшәмацәа ацхыраара рыҭареи, ахәрақәа зауз рыхәшәтәра иацу ахарџь ашәареи. Гәдоуҭа имҩаҧысит акомиссиа аилатәара.

Акомиссиа иалатәара аартуа , Аҧсны Аҧыза- министр Беслан Барцыц иазгәеиҭеит, аҳынҭқарра ахада рнапы ианиҵаз анагӡара шаҭахыу ианаамҭоу. Аҧыза - министр убасгьы иҳәеит, абџьарҵәахыырҭаҿы иҟалаз аҧжәарақәа ирыхҟьаны, иҭахаз Санкт- Петерубрг инхо ҩыџьа рыҧсыбаҩ аҩныҟа адәықәҵара иацу ахарџь Аҧсны аиҳабыра рхахьы ишырго. 

 Беслан Барцыц иазгәеиҭеит, Приморск инхоз аҧсшьаҩцәа жәиҧшь-ҩык Гәдоуҭатәи асасааирҭақәа руак аҟны хәыда- ҧсада ишыҩнаҵоу. Ус еиҧш ацхыраара зҭахыу аӡәыр дыҟазар, аганахь ишаанырмыжьуа. 

Акомиссиа алахәылацәа ирҳәеит , уажәы аҧхасҭа зауз аҩнқәа рсиақәа шышьақәдырыгыло.Иахьанӡа игәаҭоуп ҩажәи хәба ҩны аҧхасҭа зауз. Иара убасгьы аҧенџьырқәа ҭасатәуп, ашәқәа ҿаҵатәуп, ауадақәа рҟны аиҭашьақәыргыларатә усурақәа еиҿкаатәуп , 75 ҭаацәара зыҩноу Приморсктәи аҩнеихагыла.

Иҟалаз аҭҟәацра иахҟьаны аҧхасҭа роуит автомашьынақәагьы. Даргьы реиҭашьақәргыларазы аҧара рызшәахоит.Аилатәара иалахәыз Аҧсны иҟоу Урыстәыла ацҳаражәҳәарҭа ахаҭарнакцәа иазгәарҭеит, зпаспортқәа ыӡыз аҧсшьаҩцәа аҿыцқәа рзыҟаҵара аус шеиҿыркаауа.

Аҧыза- министр Беслан Барцыц акомиссиа иалахәу рнапы ианиҵеит, рҿаҧхьа иқәгылоу аусқәа ианаамҭоу инарыгӡаларц. Акомиссиа аилатәара анаҩс , Аҧсны иҟоу Урыстәыла ацҳаражәҳәарҭа ахаҭарнакцәа аҭааит аҧсшьаҩцәа хәыда- ҧсада иахьынхоз Гәдоуҭатәи асасааирҭеи, иара убасгьы аҧжәара иахҟьаны ахәрақәа зауз ахьышьҭоу Гәдоуҭатәи ахәышәтәырҭа. 

Д.Инаҧшьба, А. Агәхаа , АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Ианвар 2018
34
16 Ианвар 2018
21
Уи иахҟьаны иҧсҭазаара далҵит Узбекистан атәылауаҩ.
16 Ианвар 2018
21
Аиубилиар имшира идиныҳəалеит Аҳәынқарра ахада Рауль Ҳаџьымба.
16 Ианвар 2018
22
Аизараҿ дықәгылеит Аҧсны Ахада Рауль Ҳаџьымба.
12 Ианвар 2018
37
12 Ианвар 2018
64
Урҭ раҧырҟəҟəааразы Гудоуҭа араион аҟны арахə агəыр рыларҵоит.
12 Ианвар 2018
27
Аҧсны анаукақәа р-Академиаҿы аҵарауаҩ ииубилеи идырныҳәаларц еизеит иколлегацәа.
Загрузка плеера
Алаҳәарақәеи адныҳәаларақәеи
АГТРК