АҞәа араион Ҧсҳәы ақыҭан анышә иамардеит Аџьынџьтәылатә еибашьра ду аан Санчаратәи ахыҵхырҭаҿы иҭахаз ҩажәи жәаха-ҩык рыҧсыбаҩқәа.

03.08.2017
486

АҞәа араион Ҧсҳәы ақыҭан анышә иамардеит Аџьынџьтәылатә еибашьра ду аан Санчаратәи ахыҵхырҭаҿы иҭахаз ҩажәи жәаха-ҩык рыҧсыбаҩқәа. Аибашьцәа аҵыхәтәантәи рымҩахь рынаскьагара далахәын Аҧсны Ахада Рауль Ҳаџьымба. 

Анемец фашистцәа Санчаратәи ашьха ахыҵхырҭаҿы иҭахаз рыҧсыбаҩқәа рыҧшаара алыршахеит Аҧсны Ахада иҟаиҵаз афинанстә цхыраара иабзоураны. Уи аус нарыгӡон Николаи Медвеиски напхгара ззиуаз жәларбжьаратәи аҧшааратә гәыҧ. Дара ирылагеит ҩнызқьи жәаф шықәса рзы . Убри аахыс ашьха акаҵәараҿы иҧшаан ҩажәи жәаха – ҩык аибашьцәа рыҧсыбаҩқәа. Дара еидкылан иааган Ҧсҳәыҟа, афырхацәа ишрыхәҭоу еиҧш анышә рамадаразы.

Зқьи жәшәи ҩынҩажәи ҩба шықәса азы анемеццәа раҧхьа ирылшеит Ҧсҳәы ақыҭа агара. Усҟан иҭахаз рҳаҭгәынқәа ҟаҵан ақыҭа агәаны. Убраҟа ауп аибашьцәа рыҧсыбаҩқәа анышә иахьамардаз. Уи аус иалагаанӡа Атәыла ахада драцәажәеит анхацәеи, аҵаҩцәеи. Иҧшааз аҧсыбаҩқәа анышә рамадарахь ииасаанӡа, Аҧсны аиашахаҵаратә уахуама аиҳабы Аб Басариан имҩаҧигеит Анцәа имҵаныҳәара . 

Анаҩс еиҿкааз амитинг аҟны атәыла Ахада Рауль Ҳаџьымба даҽазныкгьы инаҵшьны иҳәеит, Аџьынџьтәылатә еибашьра аан иҭахаз , иахьанӡагьы зхаҭарақәа шьақәргылам, рыҧсыбаҩқәа ҧшааны анышә рамадара зыҧсы ҭоу уалҧшьаны ишҳаду. 

Аекспедициа анапхгаҩы Николаи Медвенски Аҧсны ахада иҭабуп ҳәа иеиҳәеит иҟаиҵаз ацхырааразы. Уи ыҟамызҭгьы, аҧсыбаҩқәа анышә рамадара шзалыршамхоз.

Ҧсҳәытәи абжьаратә школ аҵаҩцәа рыҧхьеит афырхацәа ирызкыз ажәеинраалақәа. Аҧсны Ахадеи, аҧсыбаҩқәа анышә рамадара иалахәыз Аҟәа араион анапхгареи, Жәлар реизара адепутатцәеи, анхацәеи, ашәҭқәа шьҭарҵеит Аџьынџьтәылатә еибашьра ду аан иҭахаз рбаҟа амҵан. Анаҩс ауп зқьи жәшәи ҩынҩажәи ҩба шықәса рзы иҭахаз рыҧсыбаҩқәа зҭаз аҭоубыҭқәа анышә анрықәрыҧса. 

 Ашьха қыҭа Ҧсҳәы аҭоурых дууп. Зқьи аашәи хынҩажәи ҧшьба шықәса рзы Урыстәылеи Ҭырқәтәылеи реибашьра аан араҟа инхаз абазақәа хәышә ҭаацәара инарыцны мчыла иахыргеит. Иахьа Ҧсҳәы аиҭарҿиара амҩа иануп, уҳәар ауеит.

Атәыла Ахада Рауль Ҳаџьымба иазгәеиҭеит, аҳәынҭқаарра излалшо ала ашьха қыҭа ацхыраара шазыҟанаҵо. Ахатә харџьла Ҧсҳәы иргылоуп ауахәама. Аус ауеит ҿыц иҟаҵоуп, ҩынҩажәа – ҩык аҵара ахьырҵо абжьаратә школ ахыбра . Аҧсны Ахада урҭ дрыҩналаны ибеит. Ҳәарада , ашьха қыҭаҿы иҟоуп иӡбатәу апроблемақәагьы. Данил Зыхәба иажәақәа рыла, ари аус аҟны ацхыраара ҟанаҵоит аҳәынҭқарра иахьынӡазалшо. Урҭ рҭыҧ ианықәҵахо Ҧсҳәаа рыбзазара ҧырхага анамоу, ақыҭа аҧсҭазаара иацлоит ҳаҧхьаҟа.

 Д.Инаҧшьба,Ҭ. Гогохьиа , АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
101
17 Ианвар 2018
103
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
91
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
87
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
77
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
100
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
130
Загрузка плеера
Алаҳәарақәеи адныҳәаларақәеи
АГТРК