Аҟәеи Ҧсоуи еимаздо амҩа хадаҿы иахьҿыбгаз аҭыҧқәа рҟны аиҭашьақәыргыларатә усурақәа ирылагеит.

03.08.2017
420

Аҟәеи Ҧсоуи еимаздо амҩа хадаҿы иахьҿыбгаз  аҭыҧқәа рҟны аиҭашьақәыргыларатә усурақәа  ирылагеит.  Урҭ мҩаҧыргоит “Аҧснымҩеи”  аргыларатә фирма «Градстрой» русзуҩцәа.  Арҭ аҭыҧқәа рҿы Аинвестициатә программа аҳәаақәа ирҭагӡаны ҳазҭоу ашықәс нҵәаанӡа  аиҭашьақәыргыларатә усурақәа рымҩаҧгара азҧхьагәаҭоуп.  

Аобиектқәа руак аҿы мчыбжьык ауп иҵуа аиҭашьақәыргыларатә усурақәа ирылагеижьҭеи. Ҵыҧх, аҧхынразы, илеиз ақәа ҕәҕәа иахҟьаны Аҩадатәи Ешыра иаҵанакуа  амҩа хадаҿы  хыџьара  амҩа  абжа ҵнаӡәӡәаааит. Арҭ  аҭыҧқәа  рышьақәыргылара аҧара  маҷымкәа иазоужьуп. Аҭыхрақәа ахьымҩаҧаҳго актәи аобиект иаҵанакуа аҩбатәи адьгылҭыҧ аҿы жәеиза миллион ақәхарџьхоит. Уи зыхҟьаз ҳәа ирҳәо,  хынҩеижәатәи ашықәсқәа ирынаҵанакуа амҩа зырҕәҕәоз аҭӡқәа ахьыҧсыҽхаз ауп.  Иҭыжааны иахьыҟоу аҭыҧ аҿы адгьылтә усурақәа рышьҭахь, нап адыркуеит абетон аҭарҭәара, анаҩс амҩа арҕәҕәара иалагоит.  Ари аҭыҧ аҿы хынеижәа метра иахьаҵанакуа аусурақәа цозар, ахҧатәи  аҭыҧ аҿы  аус руеит афирма «Градстрой» асзуҩцәа.  Араҟа аҭагылазаашьа еиҳа еицәоуп. Адгьыл ҳәазаны  амҩа ианылахьан ҵыҧх. Ари аҩыза аҭагылазаашьа ҩаҧхьа иҟамларц азы,   ашьапаҿы ахаҳә дуқәа рыла идырҕәҕәарц ргәы иҭоуп.

Араатәи аҩнқәа ашәарҭара иҭагылоуп. Ақәа ҕәҕәа ауцыҧхьаӡа,   ацаҟьа аӡы анаҵаҵалак адгьыл аҳәазара иалагоит. Ахаҳә дуқәа рыла амҩа арҕәҕәара аамҭалатәуп.  Адгьыл ҳәазара ахьыҟалаз аҭыҧ аҿы анышә анҭарыҧсалак ашьҭахь, аҭагылазаашьа акырӡа еиҕьхоит,- ҳәа рҳәоит аусзуҩцәа.  Ҧсоу инаркны Аҟәанӡа   амҩаду хадаҟны жә-обиект рҿы имҩаҧырго аиҭашьақәыргыларатә усурақәа   рхырқәшара азгәаҭоуп ҳазҭоу ашықәс  анҵәамҭазы.

Наала Чхьынџьериаҧҳа, Ҭемыр Гогохьиа, АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
65
17 Ианвар 2018
65
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
59
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
55
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
45
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
66
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
94
Загрузка плеера
Алаҳәарақәеи адныҳәаларақәеи
АГТРК