Ашықәс азбжазтәи русура аихшьаалақәа ҟаиҵеит Аҳәынҭқарратә унитартә наплакы "Амшынеиқәафымцамч" "Аенергиаҭира» афилиал аиҳабы Инал Лазба имҩаҧигаз абрифинг аҿы.

04.08.2017
267

Ашықәс азбжазтәи русура аихшьаалақәа ҟаиҵеит  Аҳәынҭқарратә  унитартә  наплакы "Амшынеиқәафымцамч"  "Аенергиаҭира»  афилиал аиҳабы Инал Лазба имҩаҧигаз абрифинг аҿы. Уаҟа дазааҭгылеит иахьатәи аамҭазы ирҧыло ауадаҩрақәеи, афымцамч ахархәаразы  ашәахтә ашәара иадҳәалоу  аҭагылазаашьа арҽеиразы иазгәаҭоу  алагала ҿыцқәеи ртәы.

Ҳтәылаҿы афымцамч ахархәара есааира иазҳауеит. Убри аан зегь еиҧшны иазнеиуам уи азы ашәахтә ашәара иадҳәалоу азҵаара. Афымцамч ахархәаҩцәа рхыҧхьаӡараҿы иҟоуп уи ианаамҭоу изшәо, аха иҟоуп шықәсырацәала   изымшәогьы. Уи зегь ҳәарада   ауадаҩрақәа цәырнамгар залшом. Шықәсыбжактәи аихшьаалақәа ҟаҵо Аҳәынҭқарратә  унитартә  наплакы "Амшынеиқәафымцамч"  "Аенергиаҭира»  афилиал  аиҳабы Инал Лазба иазгәеиҭеит , ҳтәылаҿы ари аамҭа иалагӡан афымцамч ахархәаразы инеизакны иршәаз аҧара даара ишмаҷу.

Ашәахтәқәа ианаамҭоу реизгара  иадҳәалоу аҭагылазаашьа арҽеиразы  алагала  ҿыцқәа дрылацәажәо  Инал Лазба иазгәеиҭеит ,афымцамч зхы иазырхәо рхыҧхьаӡараҿы  ишыҟоу акыр шықәса  инеиҧынкылан ауал зымшәо еиуеиҧшым акоммерциатә еиҿкаарақәеи, аҳәынҭқарратә усбарҭақәеи. Иҳәан аринахыс урҭ  ирыду аҭакҧхықәра ашьҭыхразы азнеишьа ҿыцқәа рхы ишадырхәало.
Афымцамч зхы иазырхәо  еиуеиҧшым акоммерциатә еиҿкаарақәа ҩынтә  ргәырҽанырҵоит, уи ашьҭахьгьы ианырымшәа афымца аҿырхлоит, анаҩс   рус аӡбарҭахь ирышьҭлоит.

Ҳтәылаҿы аҭыҧ рымоуп усеиҧш ахҭысқәагьы;  ахарџь рацәа  зцу афымцамч иадҳәалоу аиҭашьақәыргыларатә усурақәа  рымҩаҧгара ахьеиҿкаау, аха рыцҳарас иҟоу  уаҟа инхо ауааҧсыра рхы иадырхәо афымцамч азы аҳәынҭқарра аҧхьа ирықәу ауал шәамкәа иаанхоит.

Афымцамч ахархәара иаҳа ианазҳауа аӡын аамҭазы ауп, уи ишахәҭоу аҽазыҟаҵаразы   аусурақәа мҩаҧгалатәуп, уи азы ианаамҭоу алагалақәа рыҟаҵара хымҧадатәиуп.

Афымцамч ахәҧса ашәара иадҳәалоу аҭагылазаашьа   арҽеиразы аминистрцәа реилазаара иҟанаҵаз ақәҵара  аусура ианалагалак, иазҧхьагәаҭоуп раионцыҧхьаӡа  ахылаҧшра азҭо  акомиссиақәа раҧҵара.

Амра Зарандиаҧҳа, Ҭемыр Гогохьиа,АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
75
17 Ианвар 2018
77
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
71
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
67
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
57
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
82
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
106
Загрузка плеера
Алаҳәарақәеи адныҳәаларақәеи
АГТРК