Аполиграфист, ауаажәларратә усзуҩы, Аҧсны акультура зҽаҧсазтәыз аусзуҩы, Роман Џьыгрыц-иҧа Аргәын 70 шықәса ихыҵит.

07.08.2017
513

Аполиграфист, ауаажәларратә усзуҩы, Аҧсны акультура зҽаҧсазтәыз аусзуҩы, Роман Џьыгрыц-иҧа Аргәын 70 шықәса ихыҵит. Иара раҧхьатәи аҧсуа аполиграфистцәа дреиуоуп. Аус иуеит «акьыҧхь аҩны» аиҳабыс.

Ҟәланырхәа ақыҭа иааӡаз, аполиграфист, ауаажәларратә усзуҩы Роман Џьыгрыц-иҧа Аргәын, ҩажәи хҧа шықәса ракәын ихыҵуаз аҳәынҭқарратә полиграфиатә усбарҭа «Акьыҧхь аҩны» ашҟа раҧхьатәи ишьаҿақәа аныҟаиҵоз. Иара Украинатәи аполиграфиатә институт далганы данаа, Аҟәатәи атипографиаҿы анџьныр – технологс аусура далагоит. Анаҩс атипографиа анџьныр хадас дыҟан зқьи шәжәи ҧшьынҩаижәи хҧа шықәсанӡа.. Ҩнызқьи ҩба шықәса инаркны иахьа уажәраанӡа аҳәынҭқарратә полиграфиатә усбарҭа «Акьыҧхь аҩны» - адиректор хадас аус иуеит. 

Иара иазгәеиҭеит ,аколлективи иареи пату еиқәҵарала абар акыр шықәса аус шеицыруа. Акьыҧхь аҩны - ари аҩбатәи сыҩноуп, ҳәа дахәаҧшуеит Роман Џьыгрыц- иҧа . Ҩажәи ааҩык еидызкыло аколлектив иалоу зегьы ирҳәон, аус ицураҿы иара иҩыза аиҳабы џьаргьы дыҟам ҳәа. Иазгәарҭон есымша ргәалаҟазаара бзианы аусурахь ишаауа. Избанзар, дара ражәақәа рыла, русуратә мшы зырлашо реиҳабы есымша,рыцхраара дазыхиоуп.

Акьыҧхьырҭаҿы лассы- лассы ашәҟәқәа ҭзыжьуа авторцәа иазгәарҭеит, ззаанаҭ ибзианы издыруа аиублиар изызнеиуа аус мап шацәимкәа. Хынҩажәи жәаба шықәса зхыҵыз аиубилиар иахьазы игәҭакқәа рыбжеиҳарак наӡахьеит. Акы заҵәык акьыҧхьырҭа аҩны ахыбра аиҭашьақәргылара аҭахны иҟоуп.Убригьы иаарласны иалыршахап ҳәа дгәыҕуеит.

 Наала Чхьынџьериаҧҳа, Беслан Чхьынџьериа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
163
Аҭыжьымҭаҿы:Данҭаха ашьҭахь ҩажәи хәба шықәса рнаҩс. Ахьӡ-аҧша апарк аҿы анышә дамардеит Аҧсны Афырхаҵа Ирина Гоцериӡе.
165
Аҟәа араион Иашҭхәа ақыҭан инхо ауааҧсыра хымыз инареиҳаны ӡыда иҟан, аӡынашьҭыгақәа ахьыблыз иахҟьаны.
53
Аусурақәа мҩаҧнагон аҳәынҭқарратә еилахәыра «Аҧснымашьынамҩа».
Алаҳәарақәеи адныҳәаларақәеи
АГТРК