Урыстәыла Ахада Владимир Путин усутә визитла Аҧсны иҟазаара хыркəшоуп.

09.08.2017
539

Урыстәыла Ахада Владимир Путин усутә визитла Аҧсны иҟазаара хыркəшоуп. Аҧсны Ахада Рауль Ҳаџьымбеи иареи Пицундатәи хаҭалатәи реицәажәара анаҩс , имҩаҧысит Аҧсны аиҳабыра реилазаареи Владимир Путини, Рауль Ҳаџьымбеи реиҧылара. 

Пицундатәи аиҧылараҿы Аҧсныи Урыстәылеи рыбжьара амедицинатә ҧгаҧсеи, Аҧсны инхо Урыстәыла атәылауаа амедицинатә цхыраара рыҭареи рзы аиқәышаҳаҭра анапы аҵаҩын. Аиҧылара ашьҭахь Владимир Путин Аҧсны Ахада ааҧхьара ииҭеит Самбо азы Шәача имҩаҧысуаз атурнир ашҟа. Владимир Путин Аҧсныҟа даауеижьҭеи ҧшьынтәуп. Урыстәыла Ахада уажәы усутә визитла ареспублика иаҭаара зегьы раҧхьа иргыланы аполитикатә ҵак ду амоуп, адунеиаҿы имҩаҧысуа агеополитикатә еиҿагыларақәа рганахьала уахәаҧшуазар. Убри азы ауп, Рауль Ҳаџьымбеи иареи хаҭалатәи реицәажәара аан Владимир Путин инаҵшьны изиҳәаз, ҳаҧхьаҟагьы Урыстәыла Аҧсны ашәарҭадареи ахьыҧшымреи иргарантны иаанхоит ҳәа. Рауль Ҳаџьымба иазгәеиҭеит, ҳҳәынҭқарра ахьыҧшымра раҧхьа иазхазҵаз атәыла ажәҩахыр ҕәҕәа араҟа ишаҳныруа.  

Аҧсны, Урыстәылеиҧш, аиқәышаҳаҭрақәа инарықәыршәаны, ахахьы иагаз адҵақәа зегьы шынанагӡо. Уи арҵабыргуеит Аҧсни Урыстәылеи агәабзиарахьчарақәа рминистрцәа Рауль Ҳаџьымбеи Владимир Путини алархәны, амедицинатә ҧгаҧсеи, Урыстәыла ахәышәтәырҭақәа рҟны ачымазцәа ацхыраара рзыҟаҵареи рзы аиқәшаҳаҭра рнапы аҵаҩра. Уи рхы иадырхәоит Аҧсны инхо Урыстәыла атәылауаа. Владимир Путин убасгьы ихы алаирхәт асоциалтәи аекономикатәи зҵаарақәа ирызкны Пицунда имҩаҧысыз Аҧсы аиҳабыра реилатәара. 

Владимир Путин Аҧсны иусутә визит анхыркәшаха Рауль Ҳаџьымба ааҧхьара ииҭеит Самбо азы Шәача имҩаҧысуаз атурнир ахь. Шәача дара дырҧылеит Урыстәыла аҧыза- министр Дмитри Медведев. Атурнир аҟны еицлабуан Урыстәылеи адунеиаҿ еизгоуи ркомандақәа ирылоу аспортсменцәа. Ҩ- ҳәынҭқаррак рхадацәа реиҧш арҭ аицлабрақәа ирыхәаҧшуан еицырдыруа ахоккеи асыҩцәа Александр Овечкин, Евгении Малкин, Павел Буре.

Уаанӡа Шәача имҩаҧысуаз ари атурнир Владимир Путин ицахәаҧшхьан Ҟазахсҭани Азеирбаиџьани, Ермантәылеи рхадацәеи , иара убасгьы еицырдыруа аҟазара аусзуҩцәеи, аспортсменцәеи.

Даур Инаҧшьба,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Уи иалахәын аҭҵаарадырратәи арҿиаратәи интеллигенциа рхаҭарнакцәа,аполитикцәа,жәлар реизара адепутатцәа.
5
Иҟалаз ахҭыс инамаданы, араион анапхгара ауснагӡатәқәа реиҿкаара азгәаҭаны ирымоуп.
1
Аҭыжьымҭаҿы:Аҧсныи Шьамтәылеи ирыбжьарҵаз аиқәшаҳаҭрақәа шьақәдырҕәҕәеит, аҳәынҭбиуџьет актәи аҧхьараҿы ирыдыркылеит. Жәлар реизара аилатәара аҟынтәи анҵамҭа.
1
Урҭ ирылахәыз Абызшәатә политиказы аҳәынҭқарратә еилак аҟны иранашьан асертификатқәа.
8
Уи авторс дамоуп Аҧсны аҭҵаарадыррақәа ракадемиа академик, апрофессор Ҭеимураз Ачыгәба.
1
Амшхәаҧштә аҟны иқәгылан жә-зҵаарак.
Алаҳәарақәеи адныҳәаларақәеи
АГТРК