Амш зеиҧшрахо.

09.08.2017
331

Аҵыхәтәантәи аамҭазы ҳтәылаҿы ишьақәгыланы иҟоу ашоурақәа нанҳәамза ишазҷыдоу имҩасуоу, мамзаргьы аҳауа аҧхарра арбагақәа еиҳахоу атәы еилыркаауан ҳкорреспондентцәа.

Ҳазну аамҭазы адунеи ахьынӡанаӡааӡо еиҿагылоу аҧсабаратә цәырҵрақәа ҟало иалагеит. Џьара ашоура бааҧсызар, даҽа џьара  аӡхыҵрақәа зцу амшцәгьақәа ыҟоуп.

Убас, аҵыхәтәантәи аамҭазы Испаниа  иқәынхо ауааҧсыра ааха ҕәҕәа рнаҭеит илеиз акырцх, уи ашәара бжь сантиметрак инаӡон,аҧкьаҭ мпыл иаҟараз акырцх ааха ҕәҕәа рынаҭеит  зықьҩыла аҭыҧантәи ауааҧсыра рынхарҭа ҭыҧқәа, ибжьнахит рҽаҩра.

Хышәи ҧшьынҩажәи жәаба нызқь-ҩык ауааҧсыра ахьықәынхо Оклахома аштат иаҵанакуа  ақалақь Талса  нанҳәа хәба ауха  иҟалаз аҧшасра ҕәҕәа атәы ҳҳәозар, ари аҧсабаратә цәырҵра иахҟьаны  ахәра зауз ауааҧсырагьы ыҟоуп. Жәеиза нызқьҩык рҟынӡа  фымцамчыда иаанхеит, аргыларақәа рхыбқәа рыхнахит, аҧхасҭа рнаҭеит аҭыҧантәи ауааҧсыра.

Алжир аҳәынҭқарраҿы акәзар, ҳазҭоу амза алагамҭа инаркны ишьақәгылаз ашоурақәа ирыхҟьаны, абна амцакрақәа рацәахеит. Амца мҽхакы ҭбаала аҧырхага рнаҭеит ашәаҧыџьаҧыи абаҳчақәеи урҭ  ықәыблааны ацара иаҿуп.

Ҳазну аамҭазы еиуеиҧшым  Алада  Европа иаҵанакуа арегионқәа жәпакы рҿы аҭыҧ рымоуп ашоура ҕәҕәақәа.Аҳауа аҧхарра 44 градус рҟынӡа инаӡоит. Уи аҵыхәтәантәи жәашықәсатәи арбагақәа ирхыҳәҳәоит.

Аҵыхәтәантәи аамҭазы ҳтәылаҿгьы инеиҧынкыланы ишоуроуп. Уи зыхҟьоу аҳауа қәыҕәҕәарақәа рҽахьырыҧсахуа ауп.Урҭ  аҳауа еилазаара хьшәашәақәа аарышьҭӡом.

Аҳауагәаҭаратә маҵзураҿы изларҳәаз ала, ишьақәгыланы иҟоу  ашоура ҳазҭоу амза ишазҷыдоу еиҧш ицоит.  Дара ражәақәа рыла ,Нанҳәамзазы  уаҩ иимбац ашоуратә цәырҵрақәа азгәаҭаӡам. Егьырҭ ашықәсқәа  ирҿырҧшны, сынтәатәи арбагақәа  дууп ҳәа узҳәаӡом.Ҳазҭоу амзазы  аҳауа аҧхарра 31 инаркны 36 градус рҟынӡа инаӡоит. Ишьақәгылаз ашоура ҧсыҽхоит, ҳазҭоу амза аҩбатәи азбжазы.
Ҳтәылаҿы  ишьақәгылаз ашоура инамаданы, ауааҧсыра лассы-лассы аҧсабараҿы рыҧсшьара аамҭа рхыргоит. Убри аан иргәалашәозар ауп рыҧсы ахьыршьо аҭыҧқәа рҿы  ирцәамкәа амца ааныжьра шыҟамло, уи амашәыр ахылҿиаар  шалшо,мамзаргьы ирласны амца зкуа агәам-сам ааныжьра шшәарҭоу. Ашоура аныҟоу аамҭақәа рзы  амцакрақәа рыҟаларара иаҳа ишәарҭоуп.

Убри инамаданы аҭагылазаашьа ҷыдақәа рзы аминистрра ахаҭарнакцәа ауаааҧсыра рахь аҳәара ҟарҵоит агәҽанызаара  аадырҧшырц аҧсабараҿы рыҧсы аныршьо.

Аҵыхәтәантәи амшқәа рзы иҟоу ашоурақәа ауааҧсыра маҷк иаргәамҵуазаргьы, уи аҧсабара ишазҷыдоу еиҧш имҩасуеит.

А. Зарандиа Б. Чхьынџьериа АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
13 Декабр 2017
60
Аҭыжьымҭаҿы:Ицәыргоуп 180 рҟынӡа усумҭа. Аҟəа иаатит Александр Чачба иаҧҵамҭақәа рцәыргақәҵа.
13 Декабр 2017
45
Уажәазы Аҧсаӡ хада азы иаахәаз арҧшӡагақәа кнарҳауеит.
13 Декабр 2017
31
Амобилтә еимадара иаҧнаҵаз акомиссиа есышықәса астудентцәа рыбжьара иреиҕьу алнахуеит. .
13 Декабр 2017
63
Аҧсны аҧыза-министр Беслан Барцыц Аҟәеи , Афон Ҿыци, Гәдоуҭеи рықалақьқәа рхадацәа амашьынақәа риҭеит .
12 Декабр 2017
75
Аҭыжьымҭаҿы:Иааиуа ашықәсазтәи  аҳәынҭқарратә биуџьет апроект актәи аҧхьарала ирыдыркылеит Жәлар Реизара адепутатцәа
Загрузка плеера
Алаҳәарақәеи адныҳәаларақәеи
АГТРК