Аҧжәара иахҟьаны аҧхасҭа зауз анхацәа ацхыраара рыҭахоит.

10.08.2017
584

Приморск ақыҭаҿ игылаз Аҧсны атәылахьчара аминистрра аџьаҧҳаныҵәахырҭа аҿы иҟалаз атҟәацра иахҟьаны анхацәа аҧхасҭа роуит. Иахьанӡагьы иҧымжәаз аминақәеи, ахқәеи зегьы еизгам. Уи агәҭынчымра рызцәырнагоит ауааҧсыра.

Аҧсны Аҧыза- министр Беслан Барцыци Атәылахьчара аминистр Мираб Кьышьмариеи, аргыларатә усбарҭақәа рнапхгаҩцәеи анхацәеи реиҧылара мҩаҧысит ақыҭаҿ. Аиҳабыра рхаҭарнакцәа аҧхасҭа зауз рызҵаарақәа рҭакқәа ҟарҵеит.

 Аџьаҧҳаныҵәахырҭаҿы атҟәацра ахьыҟалаз иахҟьаны, ааха роуит хынҩажәижәаба ҩны инарыцны. Урҭ рахьтә быжьба аиҭашьақәыргылара иаҵанакӡом , иҿыцны иргылатәуп . Ааха зауз ауааҧсыра рыҩнқәа реиҭашьақәыргылареи, амашәыр ахьыҟалаз акәша –мыкәша арыцқьареи рзы , Аҧсны Ахада Рауль Ҳаџьымба иҟаиҵаз адҵала, иаҧҵан аҳәынҭқарратә комиссиа . Ицоит аусурақәа . Аха урҭ рымҩаҧысшьа ҧсыҽуп , аццакра аҭахыуп ҳәа азызыҧхьаӡо анхацәа аизараҿы аиҳабыра рҿаҧхьа ргәынамӡара аахтны ирҳәеит .

Аҧсны Аҧыза –министр Беслан Барцыц Приморск ақыҭа ауааҧсыра идеилиркааит , аӡәгьы хлаҧшрада дшаанымхо . Аха уи маҷк аамҭа шаҭахыу. Беслан Барцыц излеиҳәаз ала , раҧхьаӡа иргыланы аҧхасҭа зауз аҩнқәа рхыбуеит , иаҿарҵоит ашәқәеи аҧенџьырқәеи . Аха аргыларатә маҭәахәқәа рхыҧхьаӡара ахьмаҷу иахҟьаны , урҭ Аҧсны анҭыҵынтәи иаагатәуп, уи аамҭа аҭахыуп,- иҳәеит иара. Ауааҧсыра агәҽанызаара аадырҧшуеит , рыкәша –мыкәшеи , рыхкаарақәеи рҿы иҧымжәац аџьаҧҳаны ахьыҟоу азы . 

Атәылахьчара аминистр Мираб Кьышьмариа иаарласны аминақәеи, иҧымжәаз ахқәеи асапиорцәа ишеизырго агәра диргеит анхацәа. Аҧсны аиҳабыра реилазаара акапиталтә ргылара аусбарҭа аиҳабы Игор Амқәаб иазгәеиҭеит, ҩнык иаиуз ааха ашьақәргылара ишадхало сааҭк еиҳаны. Ирылшо зегьы шыҟарҵо иаарласны ахыбрақәа реиҭашьақәргыларазы. Иалагахьеит аҩнқәа рхыбқәа рыҧсахра . 

Приморск инхо Ҭуман Ҭраҧшь иҩны убри аҟара ааха аиуит иузеиҭашьақәыргылаӡом, ирбганы ҿыц иҟаҵатәуп. Арҭ амшқәа рзы аҧжәара аныҟала имыҭҟәацыз аџьаҧҳаны аизгара аус рнапы алакыуп атәылахьчара аминистрра архәҭа ҷыдақәа. Аҧсны Аҧыза-министр Беслан Барцыц аҳәара ҟаиҵеит, маҷк ачҳара аадырҧшырц анхацәа. Иазгәеиҭеит, аҳәынҭқарра ахахьы иагаз адҵақәа зегьы шынагӡахо атәы.

 Дениза Гьергьиаҧҳа , Ҭемыр Гогохьиа ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ииуль 2018
49
Аҭыжьымҭаҿы:Атракторқәа ҩынҩажәи жәибыжьи, урҭ ирыцу шәи ҩажәи жәаф мыругақәеи Урыстәыла аиҳабыра Аҧсныҟа иаарышьҭит.
20 Ииуль 2018
54
Иара Аҧсны аҭоурых- культуратә ҭынхақәа ирхыҧхьаӡалан.
20 Ииуль 2018
55
Уажәы уаҟа аиҭашьақыргыларатә усурақәа ирҿуп.
20 Ииуль 2018
33
Урҭ рхыҧхьаӡараҿы:: атракторқәа 57, урҭ ирыцу ацәаҕәагақәеи, ачалтқәеи, амармалташьтә пты ашьразы ахәшә зҭарҭәо амыругақәа 17
19 Ииуль 2018
41
Загрузка плеера
Алаҳәарақәеи адныҳәаларақәеи
АГТРК