Аиҭашьақәыргыларатә усурақәа ирҿуп ТҞәарчалтәи аӡеизгарҭеи аӡеихшарҭеи рҟны.

10.08.2017
410

Урыстәыла Аҧсны иазыҟанаҵо афинанстә цхыраара ахархәарала, ТҞәарчалтәи аӡеизгарҭеи, аӡеихшарҭеи реиҭашьақәргылара иаҿуп.

Мызқәак раҧхьа Тҟәарчал ақалақь ауааҧсыра аӡы апроблема иахҟьаны, ауадаҩрақәа ирықәшәеит. Аӡырыжәтәыс рхы иадырхәо аӡиас Ҕьаџьыр ахы ахьыҵнахуаз абахә аҿыҩрны иҭаҳаит. Уи иахҟьеит, мчыбжьык иназынаҧшуа аӡы азы иҟаз аиҧҟьарақәа.

Тҟәарчалаа аӡырыжәтә ахьынтәироуа аҭыҧ аҟны аӡымҩангагатә цәаҳәа агәам ҭаҳан иашәаҳаит. Аӡымҩангагатә цәаҳәақәа ирҭалаз агәам анҭырга анаҩс , аӡиас аҽарыцқьаанӡа аӡы ужәыртә иҟамызт. Убри азы Аҧсны Аҭагылазаашьа Ҷыдақәа рзы аминистрреи , ақалақь анапхгареи ацхыраара ҟарҵеит ауаа ӡырыжәтәла реиқәыршәаразы.

Иазгәаҭатәуп, аинвестициатә программа аҳәаақәа ирҭагӡаны, аиҭашьақәыргыларатә усурақәа шазгәаҭоу Тҟәарчалтәи аӡеизгарҭаҿы. Аха дара рылагаразы ҿыцны иҟаҵатәуп уахь ухазгало жә- километрак инарыцны автомашьынамҩа. Аӡеихшарҭаҿы изҿыз аиҭашьақәыргыларатә усурақәа ракәзар, ихыркәшоуп.  

Излажәбо ала, аҭыҧ ахьыҳараку иахҟьаны, амҩа аиҭашьақәыргылара ауадаҩрақәа ацуп. Џьара џьара адгьыл ҳәазоит, даҽаџьара абахәқәа атехника рывсыртә еиҧш аҭагылазаашьа ыҟам. Ари аҭыҧ ибзиан издыруа ауааҧсыра ракәзар ирҳәоит, ҩажәи жәохә шықәса ишреиҳау амҩа аҟаҵара аҭахны иҟоижьҭеи. Уажәы амҩа аҳәаақәа дырҭбаауеит.

Аусурақәа рыбжеиҳарак нагӡоуп, иҷыдоу атехника ахархәара иабзоураны. Иааидкыланы, Тҟәарчалтәи аӡеизгарҭеи, аӡеихшарҭеи рҟны имҩаҧгатәу аусурақәа ирықәхырџьхоит жәаф миллион мааҭ инарыцны. Аусурақәа зегь рынагӡара азгәаҭоуп мызкы иалагӡан.

Асмаҭ Шьакаиа, Михаил Братухин, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
13 Декабр 2017
60
Аҭыжьымҭаҿы:Ицәыргоуп 180 рҟынӡа усумҭа. Аҟəа иаатит Александр Чачба иаҧҵамҭақәа рцәыргақәҵа.
13 Декабр 2017
45
Уажәазы Аҧсаӡ хада азы иаахәаз арҧшӡагақәа кнарҳауеит.
13 Декабр 2017
31
Амобилтә еимадара иаҧнаҵаз акомиссиа есышықәса астудентцәа рыбжьара иреиҕьу алнахуеит. .
13 Декабр 2017
63
Аҧсны аҧыза-министр Беслан Барцыц Аҟәеи , Афон Ҿыци, Гәдоуҭеи рықалақьқәа рхадацәа амашьынақәа риҭеит .
12 Декабр 2017
75
Аҭыжьымҭаҿы:Иааиуа ашықәсазтәи  аҳәынҭқарратә биуџьет апроект актәи аҧхьарала ирыдыркылеит Жәлар Реизара адепутатцәа
Загрузка плеера
Алаҳәарақәеи адныҳәаларақәеи
АГТРК