Аҧсны аҳҭны - қалақь иалсуа аӡиас маҷқәа рӡыршьҭрақәа ррыцқьара иаҿуп

10.08.2017
416

Уаанӡа ишаҳҳәахьаз еиҧш, Аҧсны аҳҭны қалақь иалсуа аӡиас маҷқәа рӡыршьҭрақәа ррыцқьара иаҿуп . Анаҩс иҟарҵоит аҭыӡқәа, амшцәагьақәа рышьҭахь ихыҵны ауаа ирыҵамларц азы.

Аусурақәа ахьынаӡанаргахьоу еилыркаауан ҳкорреспондентцәа.

 Мызкоуп иҵуа Аҟәа ақалақь, Ӡиӡариа имҩаду иамариашианы ииасуа аӡиас маҷ Гарикəара аҟны арыцқьарақәа мҩаҧыргоижьҭеи. Аҳәынҭқарратә еилакы «Аҧсныҟәарахьчара» ахаҭарнакцәа рнапы алакыуп аӡыршьҭра арыцқьара.

Ӡиӡариеи Аваинахцәа рымҩеи еимаздо аҵакыраҿы ииасуа аӡиас Гарикəара дымрыцқьеижьҭеи акыр шықәсқәа ҵуан. Уи аамҭа иалагӡаны аӡы ақәыҧшылараҿы имаҷымкәа агәам еизон. Урҭ ирыхҟьаны аӡыршьҭра иҭачуан имаҷымкәа ааглыхратәи, абзазаратәи гәам. Анаҩс ақәа леицыҧхьаӡа, ацарҭа ахьамам азы, амҩа иахҟьаны ихыҵны ауааҧсыра ирыҵалон.

Арыцқьарақәа мҩаҧызго аусзуҩцәа ирҳәеит, араҟа иҭырго агәам аиҳарак казыжьуа аӡыршьҭра акәша- мыкәша инхо шракәу. Зоура х-киломметрак иҟоу Гарикəара атехникатә мыругақәа ҭаргыланы хыџьара аусурақәа мҩаҧысуеит. 

Аилак «Аҧсныҟәарахьчара» аусзуҩцәа ргәы иҭоуп аӡыршьҭра ахы инаркны аҵыхәанӡа идрыцқьарц. Уажәазы Ӡиӡариеи Даҕьсҭанаа рымҩеи азааигәара икарыжьыз агәам еиҭадрыцқьоит Ҵыҧх ари аҭыҧ аҿы, аӡыршьҭра иаваҵаны аҭыӡқәа ргылан, амшцәгьа ашьҭахь ихыҵны ауааҧсыра ирыҵамларц азы. Аха егьырҭ аҭыҧқәа рҿы иҭажьыз агәам иахҟьаны, аӡыршьҭра хыҵит, аҭыӡқәа ирызнымкылакәа. Уажәы ҩаҧхьа арыцқьаратә усурарақәа мҩаҧыргоит.

Ӡиӡариеи Адыгаа рымҩеи азааигәарагьы аӡыршьҭра иҭган агәам. Ацҳақәа рыҵаҟа рыцқьан. Усҟан аӡы хыҵыҧхьаӡа, ауааҧсыра рыҩнқәа изрыҩнамло аҟынӡа аӡы шьҭыҵуан. Уажәазы имҩаҧгаз арыцқьарақәа рыла иубарҭоуп аҭагылазаашьа акыр ишеиҕьхаз.

Ауааҧсыра ракәзар ирҳәоит, ақәа алеира ишазыҧшу, аусзуҩцәа иҟарҵаз рус гәарҭарц азы. Ирина Минаиаҧҳа, аӡыршьҭра азааигәара дынхоит. Лара еиҭалҳәон, аӡхыҵра шьҭа лгәы шыҧнаҵәахьаз. Иҟаз ауадаҩрақәа мчыла ишылхылгоз. Уажәы деигәырҕьоит, имҩаҧгаз арыцқьарақәа акыр шықәса иухәаратә иахьыҟоу. Уи шаамҭалатәым. Аӡиас маҷ Аӡиаҧшь ииасуеит аихамҩатә аанҿасырҭа азааигәара. Араҟа Бегәуа имҩаду аҿы аусурақәа хдырқәшахьеит. Арыцқьарақәа мҩаҧыргаанӡа қәак леицыҧхьаӡа ихыҵуан. Ауаа аргәамҵуан. Аусзуҩцәа ражәақәа рыла, шьҭа аӡыршьҭра рыцқьоуп. Иахьынӡауаз ирҵауланы иржит. Аусзуҩцәа ирҳәеит, аӡы аҧынгыла амаӡамкәа амшын аҟынӡа ишылбаауа. 

Ақалақь аҩныҵҟа иҟоуп ауааҧсыра аҧырхага рызҭо аӡиа маҷқәа Баслеи Сухумкеи. Басла ахьиасуа, аӡыршьҭра арыцьқьаразы аусруқәа мҩаҧнагоит аҳәынҭқарратә еилакы «Аҧсныргылара». Уи ахаҭарнакцәа идрыцқьараны иҟоуп ҩ-километрак инарыцны. Арҭ аусурақәа ирықәхарџьхоит ҩажәа миллион мааҭ. Аусурақәа хыркәшахоит ҳазҭоу ашықәс анҵәамҭазы. Уажәазы аӡы иҭачны иҟоу агәам ақәгара ауп хықәкыс ирымоу. Анаҩс аӡы анаазкылаша аҭӡқәа ҩганк рыла иҟарҵарц ргәы иҭоуп. Ауааҧсыра ракәзар, араҟа инхоижьҭеи есышықәса аӡхыҵра иаргәамҵуеит. Дара ирҳәоит, аӡхыҵра иахьҟьаны рыҩнқәа рҿы ацәаакыра шьақәгыланы ишыҟоу. 

Басла арыцқьара нап ахьадыркыз еиҕәырҕьоит. Уи иҭабуп ҳәа ахырҳәаауеит. Ҩ-километрак иҟоу Сухумкагьы аӡыршьҭра арыцқьара иаҿуп. Араҟа зехьынџьара еиҧш аҭӡқәа шьҭырхуеит, амшцәгьақәа рышьҭахь аӡы мхыҵларц азы. Аҟәа ақалақь аҿы имҩасуа акәара хәыҷқәа ррыцқьаразы аамҭа аҭахуп. Уи имариоу усӡам. Амш роур русура хқәдыршарц ргәы иҭоуп мызкы иалагӡаны.

 Наала Чхьынџьериаҧҳа, Беслан Чхьынџьериаҧҳа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
11 Декабр 2017
18
Аҭыжьымҭаҿы:Адепутатцәеи аиҳабыреи аҳәынҭқарратә биуџьет иалацәажәеит.
11 Декабр 2017
13
Ҧхынҷкәын 14 рзы иазгәаҭоуп Лаҭатәи атрагедиа иалаӡыз ргәаларшәара иазку акциа.
11 Декабр 2017
41
Асасцәа ирыцны Лыхнашҭахь имҩахыҵит аҳəынҭқарра ахадара.
11 Декабр 2017
21
Дмитри Шамба ипресс-конференциа.
11 Декабр 2017
15
Жәлар реизара адепутатцәа 2018 шықәсазтәи Аҧсны афинанстә документ хада –абиуџьет апроект адкыларазы, ҩ-мчыбжьа ҵуеит иагыу иабзоу иалацәажәоижьҭеи.
08 Декабр 2017
54
Аҭыжьымҭаҿы:Аинвестициатә программа анагӡара азҵаарақәа рзы. Аҟәа имҩаҧысит аиҳабырабжьаратә комиссиа аилатәара.
Загрузка плеера
Алаҳәарақәеи адныҳәаларақәеи
АГТРК