Ӡыда ианбанӡаҟоу?

11.08.2017
671

Жә- еихагылак змоу 73 –тәи аҩны гылоуп Аҟәа, Басариа имҩаду аҿы. Ауаҩы еиҳа ӡыда ҧсыхәа анимам аамҭоуп аҧхынра. Ари аҩны , хыхьтәи аихагылақәа рҿы инхо ауааҧсыра руадақәа рахь аӡы халаӡом .

Абар хәымз инарзынаҧшуеит , араҟа инхо ауааҧсыра аӡы сааҭла ироуеижьҭеи . Урҭ ражәақәа рыла, уажәааигәа , хәымш инеиҧынкыланы , ахҧатәи аихагыла нахыс , хыхь аӡы халаӡомызт. Рыҵаҟа инхо, ргәылацәа рҟынтәи аӡы ргон . Уажәазы аҭагылазаашьа маҷк ишеиҕьугьы, апроблема аҵыхәтәанынӡа иӡбаӡам. Аӡы азы ирымоу ауадаҩрақәа рзы , рхы еиҭарҳәеит аӡыканал ахь. Уи аусзуҩцәа , ари азҵаара аҭыҧ ақәҵаразы , аусурақәа хацдыркраны иҟоуп мышқәак рыла. Дара иҧжәаны иҟоу аӡеизгарҭа еиҭашьақәдыргылоит, аха изларҳәо ала, ари апроблема аҵыхәтәанынӡа иазыӡбаӡом . 

 Басариа имҩаду аҟны игылоу 73тәи аҩны , ақалақь ауааҧсыра «Ихынаау» аҩны ҳәа иашьҭоуп . Хышықәса раҧхьа уи еиҭашьақәыргылан. Аха, уи анаҩс, аҩны закәанла ашәҟәы иҭагалаӡам . Аҩны анеиҭашьақәдыргылоз , аӡы хыхьтәи аихагылақәа рахь ихазгалоз амыруга ықәдыргылеит, аха уи аус ауртә еиҧш ашьақәыргылара иахьымӡеит знапы алакыз аспециалистцәа. Убри иахҟьаны, иахьазы хыхьтәи аихагылақәа рҿы инхо ауааҧсыра аӡы роуам.

Емма Хәарцкьиа лажәақәа рыла , ари аҩнаҿы инхо ауааҧсыра аӡы азы ауадаҩра шрымоу атәы уажәааигәоуп анхарҭатә усбарҭаҿ ианеилыркааз. Ари аҩны аҿы инхо агәыҕра рымоуп иаарласны ҩнаҭацыҧхьаӡа аӡы роуа иҟалап ҳәа . 

 Дениза Гьергьиаҧҳа , Беслан Чхьынџьериа,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
При выполнении скрипта возникла ошибка. Включить расширенный вывод ошибок можно в файле настроек .settings.php