Араду ақыҭантəи ашәыр аалыҵқәа аус ахьрыдыруло анаплакы.

11.08.2017
903

Урыстәыла Аҧсны иазыҟанаҵо аинвестициатә программа аҳәаақәа ирҭагӡаны, Очамчыра араион Араду ақыҭан иргылан ашәыр аалыҵқәа аус ахьрыдыруло анаплакы. Уажәы уаҟа иҭрыжьуа рҭиуеит Урыстәылаҟа.

Иуҳәар ауеит, ахашәалагьы аанашьҭуеит ҳәа. Иахьа ҳкорреспондентцәа анаплакы иаҭааит. 2003 шықәсазы Араду ақыҭа адгьыл чашәрақәа иахьрыҵанакуа еиҿыркааит агроааглыхратә комплекс. 

120 метр ҧшьыркца адгьыл аҟны еиҭаҳан акиви, атама, амандариана, ажь уҳәа ашәыр зҿалоз аҵлақәа. Дара аус рыдырулон ҳаамҭазтәи атехнологиа инақәыршәаны. Ашәыр аазрыхуаз аҧхьаҟа ирыӡбар акәын аҭишьа, мамзаргьы ахархәарахь адәықәҵара азҵаара. Убри азы ,Урыстәыла Аҧсны иазыҟанаҵо аинвестициатә программа аҳәаақәа ирҭагӡаны ашәыр аус ахьадыруло Арадутәи анаплакы аргылара иазоужьын 50 миллион мааҭ. Иара убасгьы ари аус иалагалан 20 миллион мааҭ ахатә ҧара.

Анаплакы уажәы амчхара зегьы ала аус ауеит. Иҭрыжьуеит асыӡбалқәа, иара убасгьы ашәыр иалху егьырҭ ахаа – мыхаа. Анаплакы аҩныҵҟа аусура еиҿкаауп ҳаамҭазтәи атехнологиа ахархәарала. Арадутәи анаплакаҟны иҭрыжьуа аалыҵ зегьы, ирыбжьоу аиқәшаҳаҭра инақәыршәаны, Урыстәылатәи аҭирҭақәа рышҟа идәықәрҵоит. Еилкаауп Урыстәылатәи аҭирҭақәа рҟны аҭыҧ аанкылара шыуадаҩу, Аха, Араду иҭрыжьуа аалыҵ Аҧснынтәи ишаагоу ала ахатәы марка амоуп. 

Иҳәатәуп, Арадутәи анаплакы аҟны иҭрыжьуа аалыҵ Москватәи ақыҭанхамҩатә цәыргақәҵа ишалахәыз. Уаҟа иара ахаҭабзиара ҳаракы азы иреиҕьӡоу ҳәа иалкаан. Анаплакыи, агроааглыхратә комплекси рҟны аус руеит ҩынҩажәа – ҩык рҟныӡа . Ироуа ауалафахәгьы маҷӡам.

 Д.Инаҧшьба, Алықьса Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
65
17 Ианвар 2018
65
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
59
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
57
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
47
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
68
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
96
Загрузка плеера
Алаҳәарақәеи адныҳәаларақәеи
АГТРК