Тҟəарчалаа рҵеицəа анышə иахьамадоу аҳаҭгəын иаҭааит ауаажəларра.

14.08.2017
421

Нанҳәамза жәиҧшь аҧсуа жәлар рҭоурых аҟны ианымҵуа рыцхәуп. Аамҭа маҷымкәа ишцахьогьы, уи амш  ҳажәлар ирзыннажьыз ахәрақәа мҕьаӡац. Нанули Матуаҧҳа  лҭаацәеи лареи аҩны ишыҟаз ауп аибашьра ишалагаз азы ажәабжь хлымӡаах шраҳаз.

Нанули илцәыуадаҩуп урҭ аамҭақәа ргәаларшәара. Лыблақәа агәырҩа рхымҵӡац уажәгьы. Аибашьра раҧхьатәи амшқәа инаркны рҩызцәа инарывагылеит лашьцәа ҩыџьа Зураби Омари Матуаа.
Аишьцәа Матуааа  рылахәын еиуеиҧшым ажәыларақәа. Дара рзы иҵыхәтәантәихеит жьҭаарамза ҩажәи хҧа рыҽны Очамчыра аҭарцәразы имҩаҧгаз ажәылара. Ианҭаха ашьҭахь Зураб Матуа ианашьан Леон иорден, Омар Матуа - Аҧсны Афырхаҵа ҳәа ахьыӡ ихҵан.

Аџьынџьтәылатә еибашьраан иҭахаз ргәалашәара иазкыз аусмҩаҧгатә хацыркын ҳтәыла раҧхьатәи ахада Владислав Арӡынба ибаҟаҿы ашәҭшьыҵәрақәа рышьҭаҵарала. Уи анаҩс, араион ахадара , аветеранцәа, ауаажәларра рхаҭарнакцәа ақалақь ауааҧсыра аҭааит Тҟәарчалаа рҵеицәа анышә иахьамадоу аҳаҭгәын. Ашәҭ шьыҵәрақәа анышьҭарҵа анаҩс, минуҭктәи аҿымҭрала иргәаладыршәеит Аҧсны Ахақәиҭра зхы ақәызҵаз афырхацәа зегьы.

Тҟәарчалтәи акультуратә хан ахыбраҿы еиҿкааны иҟоуп Тҟәарчалаа рҵеицәа рфотосахьақәеи рцәамаҭәеи ахьцәыргақәҵоу Аибашьра фырхаҵаратә Ахьӡ Аҧша амузеи.

Аҧсны ахьчаҩцәа ргәаларшәара амш иазкыз ауснагӡатә аҟны ирзааҭгылан аибашьра ашықәсқәа, рыӡбахә ҳәан зых иамеигӡаз аибашьцәа. Еҭери Ҷолокəуа лҧа Зураб  Ҷолокəуа иреиҳау аҵараиурҭа алгаразы шықәсык шигыз ауп  аибашьра ишалагаз. Уи аамҭазы иара  аибашьыгатә техника ашьақәгылашьа бзиан идыруан.
Зықьҩыла Аҧсны аҵеицәа, зыҧсадгьыл зхы ақәызҵаз, аиааира иахьымӡаз рыхьыӡқәа наунагӡа Аҧсны аҭоурых иазынхоит.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
5
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
3
Ари ашықәсазы аицлабраҿы иқәыргылан аноминациақәа ааба.
47
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК