Араион анапхгара ауаажәларра рхаҭарнакцәа, аибашьра аветеранцәа ашәҭ шьыҵәрақәа шьҭарҵеит Гəдоуҭа ақалақь агәҭа игылоу иҭахаз аибашьцәа рбаҟа амҵан.

14.08.2017
354

Аибашьра раҧхьатәи амш инаркны Гәдоуҭа ақалақь аҟны акәын Аҧсны анаҩстәи алахьынҵа аӡбараҿы аполитикатәи аеокномикатәи арратәи зҵаарақәа рхырхарҭақәа амҩақәҵара ахьроуаз.

Усҟан ҩажәи хәба шықса уажәаҧхьа иахьатәи амш азы аӡәгьы агәра имгозар ҟаларын аиааира абысҟак ихарахоит ҳәа. Уи иаҭаххеит ҧшьышәи 412 мшы, иахҭынҵатәхеит шәҩыла Аҧсны ахьчаҩцәа рыҧсҭазаарақәа. Ирацәаҩуп иаразнак еилызкааз бџьарла иаҳзааз , бџьарла ҳаҧсадгьыл аҕа иқәцара шаҭаххаз. 

Шьыжьнаҵы Гәдоуҭа а қалақь иалыҩуан аибашьра иадҳәалаз алахьеиқәратә мелодиақәа. Ақалақь агәҭа игылоу абаҟа ашҟа ауаа ааира иалагахьан. Урҭ рхыҧхьаӡараҿ ҳәарада иҟан аибашьра аветеранцәагьы. Араион анапхгара ауаажәларра рхаҭарнакцәа, аибашьра аветеранцәа ашәҭ шьыҵәрақәа шьҭарҵон ақалақь агәҭа игылоу иҭахаз аибашьцәа рбаҟа амҵан. Иага аамҭа царгьы , ажәлар ргәалашәараҿы иаанхар ахәҭоуп зыҧсадгьыл зхы ақәызҵаз ргәалашәара. Урҭ роуп изыбзуроу иахьа иҳамоу ахьыҧшымреи, азхаҵареи. Абри атәы рҳәон амитинг аҟны иқәгылоз. 

Ҳреспублика зегь аҟны еиҧш Гәдоуҭа араион ауаажәларрагьы шьыбжьон минуҭктәи аҿымҭрала иргәаладыршәеит зыҧсадгьыл зхы ақәызҵаз.

 Е. Арџьениа. А. Џьениа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21
Аҭыжьымҭаҿы:Аныҳәатә мшқәа рзы ашәарҭадара аиҿкааразы. Атәыла азинхьчаратә усбарҭақәа рхаҭарнакцәа абрифинг мҩаҧыргеит.
7
Аусмҩаҧгатә рхы аладырхәит ашәҟәыҩҩцәа, ауаажәларратә усзуҩцәа, астудентцәа, ашколхəыҷқəа.
7
Ааигәа ақаҭран ақәҵара хыркәшан Алашарбага аҳаблеи Алада Ешыреи еимаздо амҩеи, Имам Шамиль имҩеи.
7
Акциа зҽалазырхәуа зегьы аизара иалагоит Самсон Ҷанба ихьӡ зху Аҧсуа драматә театр  аҿаҧхьа.
11
Атәыла азинхьчаратә усбарҭақәа рхаҭарнакцәа абрифинг мҩаҧыргеит.
Алаҳәарақәеи адныҳәаларақәеи
АГТРК