Аҧсны аџьынџьтәылатә еибашьраан иҭахаз афырхацәа рыхьӡала, ҳтәыла араионқәа зегьы рҿы имҩаҧысит “минутктәи аҿымҭра” захьӡыз акциа.

14.08.2017
278

Аҧсны аџьынџьтәылатә еибашьраан иҭахаз афырхацәа рыхьӡала, ҳтәыла араионқәа зегьы рҿы имҩаҧысит “минутктәи аҿымҭра” захьӡыз акциа.  Уи  рхы аладырхәыр рылшон изҭахыз зегьы. Ауаҩы дахьыҟазаалак, дызҿызаалак, иусқәа ааныжьны, асааҭ жәаҩа рзы, иҭахаз аибашьцәа игәалаиршәар  акәын.

Акциа еиҿыркааит А-мобилтә еимадара А-мобаили Аҧсны Аџьынџьтәылатә еибашьраан иуаҩыбжахаз рассоциациеи.

Асааҭ жәаҩа рзы минутқәак шагыз, аибашьра ианалага,  раҧхьатәи аиҿахысрақәа ахьыҟаз Ацҳа ҟаҧшь аҟны рҽеизыркуа иалагеит ауааҧсыра. Акциа аҽалархәразы агәаҳәара аазырҧшыз, рхыҧхьаӡараҿы иҟан аџьынџьтәылатә еибашьра аветеранцәа. Урҭ рнапқәа еибаркны Ацҳа ҟаҧшь аҿы амҩа адыркит. Иара убраҟа минутқтәи аҿымҭрала иргәаладыршәеит иҭахаз афырхацәа. Ари аҭыҧ аҿы ииасуаз амашьынақәагьы аангыланы  асааҭ жәаҩа рзы рыбжьы дыргеит.

Иҳаҩсыз ашықәс азы, раҧхьаӡа акәны амобилтә еимадара А-мобаили Аҧсны аџьынџьтәылатә еибашьраан иуаҩыбжахаз рассоциациеи еидгыланы «Минутктәи аҿымҭра» захьӡу акциа еиҿыркааит. Усҟан  уи мҩаҧысуан Аҟәа ақалақь аҿы мацара. Уажәы Амобаил ахаҭарнакцәа рҳәаақәа дырҭбаарц рыӡбеит. Урҭ рыбзоурала ари акциа иамҽханакит Аҧсны араионқәа зегьы. Ҵыҧх еиҧш сынтәагьы иҟалеит имаҷымкәа зхы алазырхәырц зыӡбаз ауаа.  Ари аҩыза акциа аиҿкаара ргәы иҭоуп ҳаҧхьаҟагьы. Иҭахаз арҧарцәа рыхьӡ  есышықәса агәаларшәара ҳазыхиоуп. Ҳгәыҕуеит  ашықәсқәа цацыҧхьаӡа ,асеиҧш акциа традицианы иҟалап ҳәа, рҳәоит  А-мобаил ахаҭарнакцәа.

Наала Чхьынџьериаҧҳа, Асҭамыр Гәажәба, АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
65
17 Ианвар 2018
65
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
57
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
55
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
45
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
66
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
94
Загрузка плеера
Алаҳәарақәеи адныҳәаларақәеи
АГТРК