Аҟәа имҩаҧысит Аԥсны Афырхаҵа Владимир Анцупов игәаларшәара иазкыз астильқәа зегь рыла карате азы жәларбжьаратәи аицлабра.

14.08.2017
264

Аҟәа имҩаҧысит Аԥсны Афырхаҵа Владимир Анцупов игәаларшәара иазкыз астильқәа зегь рыла карате азы жәларбжьаратәи аицлабра.

Абар, зеижә шықәса ҵуеит инеиҧынкылан  карате азы  аицлабрақәа ҳтәылаҿы имҩаҧысуеижьҭеи. Аха сынтәатәи  егьырҭ ашықәсқәа излареиҧшым, раҧхьаӡакәны имҩаҧган астильқәа зегь рыла карате азы актәи жәларбжьаратәи атурнир.

Атурнир иалагаанӡа, еизаз  зегьы минутктәи аҿымҭрала иргәаладыршәеит Аҧсны ахақәиҭразы зхы ақәызҵаз аспортсменцәа зегьы.

Асеиҧш аицлабрақәа ҳтәылаҿы  рымҩаҧгара аҵак ду шамоу иҳәеит атурнир аартра иалахәыз Аҧсны ахада ихаҭыҧуаҩ Витали Габниа, иара  ақәҿиарақәа рзеиҕьеишьеит аицлабра   иалахәыз зегьы.

Маха-шьахалатәи ааӡараҿы аҭыҧ ду аанызкылоу ари аспорт хкы ҳтәылаҿгьы иарҭо  азҿлымҳара есышықәса иазҳауеит. Иҟоуп ишыхәыҷыз зыҧсҭазаара карате иадызҳәалазгьы, акыр шықәса инеиҧынкылан зҽазыҟазҵо, еиуеиҧшым аицлабрақәа зыҽрылазырхәуа, изныкымкәа аҧхьахәқәа згахьоу.  Иааидкылан ари атурнир рҽаладырхәит ҩынҩажәаҩык аҧсуа каратистцәа. Дара ирҳәеит, ари атурнир акыр рыҽшазыҟарҵоз.

Иазгәаҭатәуп, сынтәа имҩаҧысыз  атурнир рыҽшаладырхәыз  амилаҭтә еицлабрақәа рҿы аиааира  згахьаз шә-ҩык инарзынаҧшуа аспортсменцәа. Ари атурнир иалахәын  Аҧсны, Урыстәыла, иара убас  Ҟазахсҭан ахаҭарнакцәа. Еицлабуаз зегьы еихшан ақәратә категориақәа рыла.

Атурнир аламҭалаз ҩымш, нанҳәамза  жәеизеи жәаҩеи рзы еиҿкаан жәларбжьаратәи асеминарқәа, урҭ рҿы аҧсуа спортсменцәа  аихьӡара бзиақәа аадырҧшит.

Астильқәа зегь рыла карате азы Актәи жәларбжьаратәи    атурнир аҿы алҵшәа бзиақәа аадырҧшит аҭыҧантәи ҳаспортсменцәа, урҭ  актәи аҭыҧ  ааныркылеит, аҩбатәи  аҭыҧ ргеит Краснодартәи атәылаҿацә аҟынтәи иааз акоманда, ахҧатәи - Москватәи  аспортсменцәа.

Астильқәа зегь рыла карате азы актәи  жәларбжьаратәи атурнир аиҿкааҩцәа агәыҕра аадырҧшуеит, аринахысгьы аицлабра зҽалазырхәуа рхыҧхьаӡара еиҳахап ҳәа.

Амра Зарандиаҧҳа, Роберт Ломиа,АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ианвар 2018
67
Аҭыжьымҭаҿы:Анцәа аӡы иӡаахра.  Аҧсны ақьырсианцәа иазгәарҭеит аныҳәа хадақәа ируаку.
19 Ианвар 2018
88
“ Қьалашьбеи” иахәаҧшырц еизаз ауаа, аспектакль гәахәарыла ирыдыркылеит, рыгәгьы арҧшааит .
19 Ианвар 2018
159
Шәҩык автоинспекциа аусзуҩцәа злахәыз ареидқәа мҩаҧган мызкы иалагӡан, акциа алҵшәақәа ҳасаб рзуны агәаҭарақәа ирыцҵазарц азыӡбан.
19 Ианвар 2018
55
Уи мҩаҧигеит Аҧсны Аишахаҵаратә уахәама аиҳабы Аб Бассариан Аҧлиа
19 Ианвар 2018
59
Аиҳараҩык уахь инеиуеит Иҧшьоу Василиск иӡыхьцқьа аҟнытә аӡы ргарцаз.
18 Ианвар 2018
198
Загрузка плеера
Алаҳәарақәеи адныҳәаларақәеи
АГТРК