Хатәгәаҧхарала еибашьуаз рымш аҳаҭыр азы амузеиаҿ имҩаҧган акциа.

16.08.2017
391

Аҧсны аџьынџьтәылатә еибашьраан хатәгәаҧхарала Аҧсныҟа иааз арҧарцәа ирызкны Владислав Арӡынба ихьӡ зху аибашьратә фырхаҵара Ахьӡ-аҧша аҳәынҭқарратә музеи аҿы еиҿкаан аусмҩаҧгатә. Ицәырган еибашьуаз рфоҭосахьақәа.

Хатәгәаҧхарала иааз аибашьцәа ирызкны аинформациатә ҭӡы аӡыргара иахәаҧшырц арахь имҩахыҵит Аҧсны ахада ихаҭыҧуаҩ Витали Габниа, аиҳабыра рхаҭарнакцәа, Кавказ ашьхарыуа жәларқәа рконфедерациа  ахада Муса Шанибов, хатәгәаҧхарала Аҧсны еибашьуаз, ауаажәларра.

Амузеи аҭааҩцәа аизара иалагахьан, хатәгәаҧхарала Аҧсны еибашьуаз асасцәа ирҧыларц. Анаҩс зегь рҿынархеит амузеи иҭаҵәахны иамаз аибашьцәа рыхьӡ зҳәо аинформациатә стендқәа рахь. Араҟа дара ирзеиҭарҳәон аибашьра иазкыз аинформациеи, иддырбон уи иадҳәалоу аҭыхымҭақәеи.

Аҭааҩцәа рҟынтәи иаразнак иалукаауан хатәгәаҧхарала иааз. Доусы аҭыхымҭақәа ианрыхәаҧшуаз, аибашьра ашықәсқәа ргәаладыршәон, даҽа шьоукы секундқәак ирылагӡаны афотоҭыхымҭақәа рҟны рхы рсахьа рыҧшаауан. Дара ирҳәон ашықәс рацәа шҵхьоугьы, аибашьра иадҳәалоу ахҭысқәа иахьагьы ргәалашәараҿы ишыҟоу.  Амузеи аҿы иқәгылоз азааҭгылон,  аиааира аагараҿы иҳавагылаз арҧарцәа хашҭра шрықәым.

Амузеи анаҧхгареи Аҧсны Атәылахьчара аминистрреи рыбзоурала амузеи аҿы ицәырган шә-ҭыхымҭак инареиҳаны.

Аҧсныҟа абашьра ҳәа иааз, иҭахаз аибашьцәа рхатәы маҭәахәқәеи, рышәҵатәи, рабџьари, рҳамҭақәеи ӡырызгоз аекспозициақәа иҟан. Убасгьы ҿыцла ицәырган Аҧсны Афырхаҵа  Султан Сосналиев изкны еиҿкааз аинформациатә стенд. Леон иорден занашьоу, арратә ҧырҩы, аполковник  Сергеи Подпругин икәакьгьы еиҿкаан. Сынтәа ҩышықәсоуп Владислав Арӡынба ихьӡ зху амузеи аҿы хатәгәаҧхарала Аҧсны еибашьуаз ирызкны ацәыргақәҵақәеи, аекспозициақәеи еиҿыркаауеижьҭеи.

Хәатәгәаҧхарала Аҧсны еибашьуаз ирызкыз азал хадаҿы акәын иаҳа асасцәа ахьырацәаз. Урҭ Аҧсны Аџьынџьтәылатә еибашьра  аазырҧшуа архивтә материалқәа рылаҧш рыдхалон.  Дара ирызкны еиҿкааз аусмҩаҧгатә ахырқәшарахь ианнеи ашьҭахьгьы, акыр аамҭа  амузеи аҿы  еидтәаланы, аибашьра ашықәсқәа ргәаладыршәон.

Наала Чхьынџьериаҧҳа, Беслан Чхьынџьериа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Ианвар 2018
32
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
21
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
24
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
18
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
36
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
71
16 Ианвар 2018
56
Уи иахҟьаны иҧсҭазаара далҵит Узбекистан атәылауаҩ.
Загрузка плеера
Алаҳәарақәеи адныҳәаларақәеи
АГТРК