Агəабзиарахьчара аминистр Ҭамаз Ҵахнакьиа ипресс-конференциа.

16.08.2017
660

Агәабзиарахьчара аминстр Ҭамаз Ҵахнакьиа имҩаҧигаз апресс -конференциа азкын , уажәааигәа Аҧсни Урыстәылеи ргәабзиарахьчара аминистррақәа рыбжьара рнапы зҵарҩыз аиқәшаҳаҭрақәа ҩба : Аҧсны инхо Урыстәыла атәылауаа хазы игоу ркатегориақәа ахәшәқәеи , амедицинатә лыхымҭақәеи рыла реиқәыршәареи , иара убас, Аҧсны инхо Урыстәыла атәылауаа амедицинатә ҧгаҧса рзыҟаҵареи . 

Ҭамаз Ҵахнакьиа арҭ аиқәшаҳаҭрақәа рымҩаҧысшьа шеиҿкаахо атәы ажурналистцәа ирзеиҭеиҳәеит . Иазгәаҭатәуп , арҭ аиқәшаҳаҭрақәа Аҧсни Урыстәылеи рпарламентқәа рҿы аратификациа иахысыр шакәу . Аҧсны инхо Урыстәыла атәылауаа хазы игоу ркатегориақәа ирызкыу аиқәшаҳаҭра Аҧсны апарламент аҿы аратификациа иахысхьеит . 

Ари акатегориа иаҵанакуа быжь-нызқьҩык аинвалидцәа ашәҟәы рҭагалара иаҿуп . Урҭ рхыҧхьаӡарахь иаҵанакуеит еиуеиҧшым амзызқәа ирыхҟьаны , аинвалидра зауз ауаа . Амедицинатә ҧгаҧса рзыҟаҵахоит шәи ҧшьынҩажәи жәнызқьҩык инарзынаҧшуа Аҧсны инхо Урыстәыла атәылауаа . 

Агәабзиарахьчара аминистр иажәақәа рыла , амедицинатә ҧгаҧса зауз ацхыраара рыҭахоит Урыстәылатәи афедерациа иахьаҵанкуа ахәышәтәырҭақәа рҿы . Уажәраанӡа , Аҧснытәи аҳақьымцәа рымч зқәымхоз , Урыстәылаҟа идәықәрҵоз ачымазцәа , ргәабзиара ахьышьақәдыргылоз ахәышәтәырҭақәа рахь Аҧсны абиуџьет аҟынтәи аҧара ахырыҧхьаӡалон .

Иахьатәи аамҭазы анапы зҵаҩу аиқәшаҳаҭра иабзоураны , уаанӡа ачымазаҩцәа рыхәышәтәра иахҭнырҵоз аҧара, амедицинатә мыругақәа раахәарахь идәықәҵахоит . Амедицинатә ҧгаҧса роурц рылшоит иааиҧмырҟьаӡакәа Аҧсны инхо Урыстәыла атәылауаа .

Ақалақьқәа , араионқәа рыхәышәтәырҭақәеи рполиклиникақәеи рҿы аҧгаҧса роурц ахьрылшо аҭыҧқәа еиҿкаахоит .Урыстәыла атәылауаҩра змам ауааҧсыра ,амедицинатә цхыраара роулоит Аҧсны абиуџьет аҟынтәи .

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
11
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
7
Ари ашықәсазы аицлабраҿы иқәыргылан аноминациақәа ааба.
49
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК