Очамчыра ихыркәшан иҭахаз аибашьцәа ргәалашәара иазкны жәамш рыҩныҵҟа имҩаҧысуаз ашьапылампыл маҷ азы атурнир.

16.08.2017
681

Очамчыра ихыркәшан иҭахаз аибашьцәа ргәалашәара иазкны жәамш рыҩныҵҟа имҩаҧысуаз ашьапылампыл маҷ азы атурнир. Аицлабрақәа еиҿкаан Очамчыра араион ахадара аҿари аспорти рыҟәшеи аҿар рцентр Гиуеноси раҧшьгарала. 

Атурнир афинанстә цхыраара арҭеит амобилтә еимадара А- мобаили афирма Флагмани Жәамш рыҩныҵҟа Очамчыра ақалақь аҿы имҩаҧысуаз атурнир иалахәын ҩажәи жәаҩа команда. Иааидкыланы ҧшьышә- ҩык инарзынаҧшуа аспортсменцәа . Ахәмаррақәа зегьы мҩаҧысуан акыр аинтереси алахҿыхреи рыҵаны. 

Иазгәаҭатәуп, сынтәатәи аицлабрақәа рхы шрыладырхәыз Аҧсны араионқәа зегьы рҟынтәи ашьапылампыл асцәа. Атурнир аиҿкааҩцәа иазгәарҭоит иара амҩаҧгара зегьы раҧхьаӡа иргыланы хықәкыс ишамоу аҿар ашьапылампыл агәыбылра дыркра. Абар сынтәа ҧшьышықәсоуп арҭ аицлабрақәа спонсорс иамоижьҭеи амобилтә еимдара А- мобаил. Аимадара ахаҭарнакцәа изларҳәо ала, дара аҧхьаҟагьы ас еиҧш иҟоу ауснагӡатәқәа адгылара рырҭалоит. 

Атурнир афиналтә хәмаррақәа рҿы ахҧатәи аҭыҧ агаразы еиқәшәеит Аҭареи Агәыӡереи ршьапылампыл асыҩцәа. Аҩ- командак рхаҭарнакцәа рҽазыршәон амба агара. Аиҧылара аҩбатәи азбжазы Аҭараа ирылшеит ампыл аҭаршәра. Абас ала аиҧыларагьы хыркəшан дара ахҧатәи аҭыҧ ааныркылеит. Актәи аҩбатәи аҭыҧ агаразы еиқәшәеит Гагреи Аӡҩыбжьеи ркомандақәа. Аиҧылара мҩаҧысуан акыр аинтерес аҵаны. Актәи азбжа хыркушан 1-0 ҳәа Гаграа аҧыжәара рыманы. Ахәмарра аҩбатәи азбжаҟны Аӡҩыбжьаа ирылдыршеит мпылк аҭаршәра. Аха, хара имгакәа ҩаҧхьа иҽаликааит Гагратәи аспортсмен . Убри алагьы Гаграа ирылшеит 2-1 ҳәа аиааира ганы атурнир аҟны актәи аҭыҧ аанкылара.

Атурнир иалахәыз аспортсменцәа дрыдныҳәалеит Очамчыра араион ахада Хьрыҧс Џьопуа. Аҧхьахәтә ҭыҧқәа аанызкылаз акомандақәеи атурнир аҿы иалкаахаз аспротсменцәеи аҧаратә ҳамҭақәеи, акубокқәеи ранашьан. Атурнир хыркəшан аҭыҧантәи акəашаратә ансамбль “Абжьыуаа” рықәгыларала. Иара убасгьы араҟа дықәгылеит ашәаҳәаҩ қәыҧш Валериа Адлеиба. 

А.Корсаиа, Л. Адлеиба , АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Аҭыжьымҭаҿы:Ианҭаха ашьҭахь 143 медаль «Аиааиразы». Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
4
Ари ацәыргакәҵа еизнагеит жәлар рҟазара знапы алаку аҧышәа змоу рыдагьы, иахьа уажәраанӡа зхы ӡырзымгац, аха зус бзиабарала иазнеиуа аҿар.
4
Арҭ ашықәсқәа рыҩныҵҟа, ишҧаҿиоз аекономика аминистрра , иарбан проектқәоу зеиҿкаара алыршахаз? 
4
Ҧхынҷқәын мза 13,1988 ш.рзы Аҧсуа ҳәынҭқаррратә филармониҿы имҩаҧысит «Аидгылара» раҧхьаӡатәи аҧҵаратә еизара ду.
Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
Алаҳәарақәеи адныҳәаларақәеи
АГТРК