Аҧсны Аҧыза- министр Беслан Барцыц Очамчыра араион даҭааит.

17.08.2017
571

Аҧсны Аҧыза- министр Беслан Барцыц Очамчыра араион даҭааит. Иара ицын аҳәынҭқарратә ргыларатә усбарҭақәа рнапхгаҩцәа. 

Беслан Барцыц игәеиҭеит Ҭхьына ақыҭан абжьаратә школ ахыбра ҿыц аргылара шымҩаҧысуа, иара убасгьы Очмачыра ақалақь хәыҷбаҳча аҟаҵаразы аусқәа ахьынӡанаргахьоу. 

Иааидкыланы араион аҟны изҿу аргыларатә усурақәа рыхә бзианы ишьеит Аҧыза- министр. Аҧсны Аџьынџьтәылатә еибашьра иалагӡаанӡа, Ҭхьынатәи абжьаратә школ аҿы аҵара рҵон хышә- ҩык инарзынаҧшуа аҵаҩцәа. Аиааира ашьҭахь ҩ- еихагылак иҟаз ашкол ахыбра амца ацраланы иблит. Иара аиҭашьақәыргылара алыршан жәларбжьаратәи агәыҳалалратә еиҿкаарақәа рымчала. Уажәазы ақыҭаҿы аҵара рҵоит ҧшьынҩажәи хәҩык аҵаҩцәа. Акыр шықәса раҧхьа аремонт зызуз ашкол ахыбра аҭагылазаашьа акыр иуадаҩуп. Ахыб ақәа кылсуеит, ибааит адашьма , ашкол арҧхагақәа амам. Убри иахҟьаны, имаҷҩым зыхшара ааигәа иҟоу ақыҭақәа ,мамзаргьы Очамчыратәи ашкол- интернат ахь аҵаразы ииазгаз.

Ашкол азҵаара Ҭхьына ақыҭа анапхгареи, арҵаҩратә еилазаареи изныкымкәа ишьҭырххьан. Убри инамаданы , Аҧсны анапхгара иалдыршеит Урыстәыла Аҧсны иазыҟанаҵо афинанстә цхыраара аҳәаақәа ирҭагӡаны, ашкол ахыбра ҿыц аргылара ахацыркра. Изҿу аусурақәа хыркәшахароуп ҩнызқьи зеижә шықәсазы. Анаҩс, араҟа аҵара рҵарц рылшоит шәи ҩажәа-ҩык инарыцны ахәыҷқәа. Ҩ- еихагылак змоу ахыбра ҟарҵоит ҳаамҭа иақәшәо астандартқәа рыла. 

 Аҧыза- министр Беслан Барцыц аусурақәа рымҩаҧысшьа гәаҭо, еиликаауан ауасҭацәа еиҵазырхо ҳәа акыр ыҟоу иҟаму. Аргыларатә усбарҭа аиҳабы Лаша Быҭәба Аҧыза- министр изеиҭеиҳәеит, русурақәа аанызкыло ҳәа акагь шыҟам. Аус зуа руалафахәы ианаамҭоу ишыршәо. Убри аан иара иҳәеит , аус зуа реиҳараҩык аҭыҧантәи ауааҧсыра шракәу. Иара убасгьы аусурақәа ирыдырҧхьало атехника Очамчыра араион аҟынтәи ишаарго.

Очамчыра араион аҵара аҟәша аиҳабы Феликс Џьынџьиа иазгәеиҭеит, асеиҧш азеиҧшҵараиурҭақәа араион аҟны рыргылара аҵара ааӡара апроцес аҿы ишыцхыраагӡа дуу. Анаҩс Беслан Барцыц даҭааит Очамчыра ақалақь аҿы зыргылара иаҿу ахәыҷбаҳча. Иахьатәи аамҭазы Араион аҟны аус зуа хәыҷбаҳчак ауп. Уахь иныҟәо рхыҧхьаӡара шәҩык иреиҳам. Аҧыза- министр изеиҭарҳәеит, сынтәатәи ашықәс иалагӡаны ақалақь мацара аҟны аҭыҧ ахьыҟамыз иахҟьаны, ахәыҷбаҳчахь изымцаз ахәыҷқәа ҧшьынҩажәа ҩык ишреиҳау. 

Араҟа имҩаҧысуа аусурақәагьы хдыркәшараны иҟоуп ҩнызқьи зеижә шықәсазы. Аҧыза-министр аргыларатә усурақәа рцашьа ахә ҳаракны ишьеит. Очамчыра араион аҟны иныҟәара хыркәшо, Беслан Барцыц даҭааит аҭагылазаашьа ҷыдақәа рзы аминистрра акыр зхыҵуа ахлор аҭыҧ иахьықәырҵо.

 А. Корсаиа, А.Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ииун 2018
79
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
47
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
20 Ииун 2018
77
Урҭ аҭыҧқәа ргәаҭаразы дырҭааит аҳҭнықалақь ахада Адгәыр Ҳаразиа.
20 Ииун 2018
45
Ҷыдала иаҧҵаз аусуҩтә гәыҧ ари азҵаара анҭырҵаа, еилкаахеит Аҧсны атәылауаа рзинқәа реилагара аҭыҧ шамоу.
20 Ииун 2018
49
Убас,. Гагра араион Алаҳаӡыхь ақыҭаҿы иҟоу агәамеизгарҭа ауадаҩрақәа акыр рызцәырнагоит ааигәа инхо ауааҧсыра.
Загрузка плеера
Алаҳәарақәеи адныҳәаларақәеи
АГТРК